నెటిజన్లను ఊపేస్తున్న కేఏ పాల్ టైసన్‌ బాక్సింగ్

ఆంధ్రప్రదేశ్ అసెంబ్లీ ఎన్నికల్లో విప్లవాత్మక మార్పు తీసుకొస్తామని... అందరికీ అధికారం... అవినీతి లేని పాలన ట్యాగ్‌లైన్‌తో ఆకట్టుకున్న కేఏపాల్.. మరోసారి నెట్టింట్లో నవ్వులు పూయిస్తున్నారు. పవన్‌కు నాట్యం రాదంటూ... ఒకప్పుడు వేదికపై స్టెప్పులేసిన ఆయన.. ఇప్పుడు తన శిష్యుడు, బాక్సర్ ఇవాండర్ హోలీఫీల్డ్​ను మించి పిడిగుద్దులతో విశ్వరూపం చూపారు. అంతర్జాలంలో వైరల్‌ అవుతున్నారు.

ప్రజాశాంతి పార్టీ అధినేత కేఏ పాల్... మరోసారి నెట్టింట్లో హల్ చల్ చేస్తున్నారు. ఒకరోజు పాటపాడి అలరిస్తే... మరోసారి స్టెప్పులేసి సందడి చేస్తే... ఇప్పుడు ఏకంగా ఫైట్ చేసి నవ్వులు పూయిస్తున్నారు.తన కారులో ఎక్కడికోవెళ్తుండగా... కొందరు వాహనదారులు ఆయన్ని పలకరించారు. అంతే ఆయన రెచ్చిపోయారు. కారులో కూర్చొనే బాక్సింగ్‌ ప్రాక్టీస్ చేస్తున్నట్టు ఊగిపోయారు. చిత్రవిచిత్ర సైగలతో అక్కడి వారందరినీ నవ్వించారు. అది కాస్తా రికార్డు చేసిన కొందరు ''పాల్ అభిమానులు''.. సోషల్​ మీడియాలో పెట్టేశారు.ఆ వీడియో ఇప్పుడు 'నెట్​'ఇంట్లో వైరల్‌గా మారింది.

ఇదీ చదవండిఃతెలుగు రాష్ట్రాల్లో ఐటీ శాఖ తనిఖీలు