వ్యక్తిగత కక్షతోనే మరణ శిక్ష: ముషారఫ్​

వ్యక్తిగత కక్షతోనే దేశద్రోహం కేసులో తనకు మరణశిక్ష విధించారని పాక్ మాజీ అధ్యక్షుడు పర్వేజ్ ముషారఫ్ అన్నారు. ఆయనకు మద్దతుగా పాక్​లోని పలు ప్రాంతాల్లో ర్యాలీలు నిర్వహించారు.

దేశద్రోహం కేసులో తనకు మరణశిక్ష విధించడంపై తొలిసారి స్పందించారు పాక్​ మాజీ అధ్యక్షుడు పర్వేజ్ ముషారఫ్​. వ్యక్తగత కక్షతోనే తనకు ఈ శిక్ష పడేలా చేశారని ఆరోపించారు. ఈ విషయంపై ముషారఫ్ పార్టీ వీడియో విడుదల చేసింది. న్యాయస్థానంలో తాను గానీ, తన తరఫు న్యాయవాదివి గానీ వాదనలు వినకుండా శిక్ష ఖరారు చేశారని ముషారఫ్​​ చెప్పారు. ఇలా జరిగిన సందర్భాలు గతంలో లేవన్నారు. రాజ్యాంగబద్ధంగా ఈ కేసు విచారణ జరపాల్సిన అవసరం లేదని.. కొంతమంది కావాలనే తనకు శిక్షపడేలా చేశారని ఆరోపించారు పాక్ మాజీ సైన్యాధిపతి.

ముషారఫ్​కు పాక్​లోని ప్రత్యేక కోర్టు మరణ శిక్ష విధించడాన్ని వ్యతిరేకిస్తూ ఆయనకు మద్దతుగా పలు ప్రాంతాల్లో ర్యాలీలు నిర్వహించారు ఆ దేశ ప్రజలు.

ఇదీ చూడండి: ఫొటోలు తీసినందుకు నెలకు రూ.26 లక్షల జీతం