రాణించిన డికాక్​.. పంజాబ్​ లక్ష్యం 177

మొహాలీ వేదికగా జరుగుతున్న మ్యాచ్​లో ముంబయి బ్యాట్స్​మెన్ మెరిశారు. ప్రత్యర్థి పంజాబ్ ముందు 177 పరుగుల లక్ష్యాన్ని ఉంచారు.

పంజాబ్​ కింగ్స్​ ఎలెవెన్​కు 177 పరుగుల లక్ష్యాన్ని నిర్దేశించింది ముంబయి ఇండియన్స్​. మొహాలీ వేదికగా మ్యాచ్​ జరుగుతోంది.

టాస్ ఓడి బ్యాటింగ్​కు దిగిన ముంబయికి ఓపెనర్లు అదిరే ఆరంభాన్ని ఇచ్చారు. తొలి వికెట్​కు 5 ఓవర్లలో 51 భాగస్వామ్యం నెలకొల్పారు. రోహిత్ శర్మ 19 బంతుల్లో 32 పరుగులు చేసి ఔటయ్యాడు. మరో ఓపెనర్​ డికాక్​ 60 పరుగులతో రాణించాడు.

డికాక్ ఒంటరి పోరాటం

మరో ఎండ్​లో ఉన్న డికాక్​కు మిగతా వారి నుంచి పెద్దగా సహకారం లభించలేదు. అయినా చెలరేగి ఆడిన ఈ ఓపెనర్ 60 పరుగులు చేసి ఔటయ్యాడు. ఐపీఎల్​లో 1000 పరుగుల్ని పూర్తి చేసుకున్నాడీ దక్షిణాఫ్రికా బ్యాట్స్​మెన్.

క్వింటన్ డికాక్

మిగతా వారిలో సూర్యకుమార్ యాదవ్ 11, యువరాజ్ సింగ్ 18, పొలార్డ్ 7, కృనాల్ 10, హార్దిక్ 31 పరుగులు చేసి ఔటయ్యాడు.

'అశ్విన్'లు మెరిశారు..

ఈ మ్యాచ్​తో పంజాబ్ జట్టులోకి వచ్చిన మురుగన్ అశ్విన్ ఆకట్టుకునే ప్రదర్శన చేశాడు. 25 పరుగులిచ్చి 2 వికెట్లు తీశాడు. యువరాజ్ ఇతని బౌలింగ్​లోనే ఔటయ్యాడు. కెప్టెన్ రవిచంద్రన్​ అశ్విన్ వికెట్లేమి తీయకున్నా 4 ఓవర్లలో 26 పరుగులు మాత్రమే ఇచ్చాడు.

మురుగన్ అశ్విన్

మిగతా బౌలర్లలో షమి, విజెలన్ తలో రెండు వికెట్లు తీశారు. టై ఒక వికెట్ పడగొట్టాడు.