స్థానిక సంస్థల ఎన్నికల తుది ఫలితాలు
ఎంపీటీసీ, జడ్పీటీసీ ఎన్నికల తుది ఫలితాలను రాష్ట్ర ఎన్నికల సంఘం అధికారికంగా ప్రకటించింది. 32 జిల్లాల్లో 5,817 ఎంపీటీసీ స్థానాలకు గానూ తెరాస 3,548 స్థానాలను గెలుచుకొంది. కాంగ్రెస్ అభ్యర్థులు 1,392 చోట్ల విజయం సాధించారు. భాజపా అభ్యర్థులు 208 స్థానాల్లో, స్వతంత్రులు 549 మంది గెలుపొందారు. సీపీఎం 40, సీపీఐ 38, తెలుగుదేశం 21 స్థానాలను గెలుచుకున్నాయి. మరో 20 చోట్ల ఇతర పార్టీల అభ్యర్థులు విజయం సాధించారు.