పోలింగ్​ రోజునే మోదీ సినిమా విడుదల!

ఎన్నో అడ్డంకుల్ని ఎదుర్కొని విడుదలకు సిద్ధమైంది మోదీ బయోపిక్ 'పీఎం నరేంద్ర మోదీ'. ఏప్రిల్ 11నే సినిమాను తీసుకువస్తున్నట్లు దర్శకుడు ఒమంగ్ కూమార్ తెలిపాడు.

విపక్ష, అధికార పక్షాల మధ్య మాటల యుద్ధం. రానున్న ఎన్నికల్లో ఓటర్లపై ప్రభావం చూపిస్తుందని ఫిర్యాదులు. ఇవన్నీ ఓ సినిమా కోసం. ఈ అవాంతరాలు అన్నింటినీ అధిగమించి ఏప్రిల్ 11న విడుదలకు సిద్ధమైంది మోదీ బయోపిక్ 'పీఎం నరేంద్ర మోదీ'. వివేక్ ఒబెరాయ్ ప్రధాన పాత్రలో కనిపించనున్నాడు.

మోదీ .... ఛాయ్​వాలా స్థాయి నుంచి భారతదేశ ప్రధానిగా ఎలా ఎదిగారు అనే కథాంశంతో ఈ చిత్రాన్ని తెరకెక్కించారు. 'మేరికోమ్' చిత్రంతో మెప్పించిన ఒమంగ్ కుమార్ దర్శకత్వం వహించాడు.

సినిమాను ముందు ఏప్రిల్ 11నే తీసుకురావాలనుకున్నారు నిర్మాతలు. దేశవ్యాప్తంగా ఎన్నికలు జరిగే వేళ.. ఈ చిత్రం ఓటర్లపై ప్రభావం చూపే అవకాశముందని విపక్ష సభ్యుల ఫిర్యాదుతో ఏప్రిల్ 5కు విడుదల తేదీని మార్చారు. తాజాగా మళ్లీ ముందు అనుకున్న రోజునే తీసుకురావాలని నిర్ణయించారు.

ఇవీ చదవండి: