ఈటీవీ.. టెలివిజన్ రంగంలో ఓ విప్లవం. రెండు దశాబ్దాలుగా రామోజీరావు సారథ్యంలో అంచెలంచెలుగా ఎదిగి అభిమానుల మనసుల్లో ప్రత్యేక స్థానం సంపాదించుకుంది. ఆసక్తికరమైన సినిమాలు, మనోరంజకమైన సీరియళ్లు సహా మరెన్నో షోలతో తెలుగువారికి వినోదాన్ని పంచిన ఈటీవీ సంస్థ.. ఆగస్టు 27న పాతిక వసంతాలు పూర్తి చేసుకోనుంది. ఈ సందర్భంగా టాలీవుడ్ సూపర్స్టార్ మహేశ్ బాబు సంస్థకు రజతోత్సవ శుభాకాంక్షలు తెలిపారు.
రెండు దశాబ్దాల పాటు ఈటీవీ అంచెలంచెలుగా ఎదగడాన్ని చూస్తే సంతోషంగా ఉంది. 25 వసంతాలు పూర్తి చేసుకున్న సందర్భంగా సంస్థ అధినేత రామోజీ రావు, ఈటీవీ బృందానికి అభినందనలు.