గవర్నర్​తో సీఎం భేటీ: విభజన అంశాలపై చర్చ

గవర్నర్ నరసింహన్‌తో సీఎం కేసీఆర్ భేటీ అయ్యారు. విభజన అంశాలపై గవర్నర్‌తో చర్చించారు.

ముఖ్యమంత్రి కేసీఆర్ గవర్నర్ నరసింహన్​ను కలిశారు. మధ్యాహ్నం రాజ్​భవన్​కు వెళ్లిన ఆయన దాదాపు గంటసేపు గవర్నర్​తో సమావేశమయ్యారు. నిన్న ఇరు రాష్ట్రాల ముఖ్యమంత్రులు గవర్నర్ సమక్షంలో సమావేశమైన నేపథ్యంలో... ఇవాళ కేసీఆర్ మళ్లీ గవర్నర్​ను కలవడం ప్రాధాన్యత సంతరించుకొంది. నిన్నటి సమావేశంలో ప్రస్తావనకు వచ్చిన కొన్ని అంశాలు, ప్రత్యేకించి విభజన అంశాలపై ఇవాళ చర్చ జరిగినట్లు సమాచారం. ఇతర పాలనా పరమైన అంశాలు కూడా ఇరువురి భేటీలో చర్చకు వచ్చినట్లు తెలుస్తోంది.

ఇదీ చూడండి: అభివృద్ధి చేశాం.. ఇంకా చేసి చూపిస్తాం..