ఒకే విమానంలో గవర్నర్​, కేసీఆర్​, జగన్​

మోదీ ప్రమాణ స్వీకారానికి గవర్నర్​, సీఎం కేసీఆర్​, వైకాపా అధినేత జగన్​లు ఒకే విమానంలో వెళ్లనున్నట్లు సమాచారం. ప్రత్యేక విమానంలో విజయవాడ నుంచి దిల్లీకి వెళ్లే అవకాశం ఉంది.

ప్రధానమంత్రి నరేంద్ర మోదీ ప్రమాణస్వీకారానికి గవర్నర్​ నరసింహన్​తో పాటు రాష్ట్ర ముఖ్యమంత్రి కేసీఆర్​, వైకాపా అధినేత జగన్​మోహన్​ రెడ్డిలు ఒకే విమానంలో విజయవాడ నుంచి దిల్లీకి వెళ్లే అవకాశాలున్నట్లు తెలుస్తోంది. అయితే సీఎం కేసీఆర్​ హస్తినకు వెళ్లడంపై ఇప్పటివరకు స్పష్టత రాలేదు. దీనిపై మరికొద్ది గంటల్లో పూర్తి వివరాలు తెలియనున్నాయి. ఈ నెల 30న రాత్రి ఏడు గంటలకు మోదీ ప్రమాణం చేయనున్నారు. ఈ కార్యక్రమానికి నరసింహన్​, కేసీఆర్​, జగన్​లకు ఆహ్వానం అందింది.

మే 30న మధ్యాహ్నం అమరావతిలో ఏపీ సీఎంగా జగన్​ ప్రమాణస్వీకారం చేయనున్నారు. దీనికి నరసింహన్​, కేసీఆర్​లు హాజరవుతున్నారు. ప్రమాణం అనంతరం గవర్నర్​, జగన్​లు కలిసి ప్రత్యేక విమానంలో దిల్లీకి వెళ్లాలని నిర్ణయించుకున్నట్లు సమాచారం. కేసీఆర్​ కూడా వెళ్లాలనుకుంటే ముగ్గురూ ఒకే విమానంలో వెళ్లే అవకాశం ఉంది.

ఇవీ చూడండి: పరోక్ష ఎన్నికల ప్రవర్తనా నియమావళిలో కొత్త సెక్షన్