సాగునీరు, పట్టభూములు అందించే బాధ్యత నాదే: కేసీఆర్

వికారాబాద్​ జిల్లా చేవెళ్లలో తెరాస బహిరంగ సభకు గులాబీ అధినేత కేసీఆర్ హాజరయ్యారు. చేవెళ్ల ఎంపీ అభ్యర్థి రంజిత్​రెడ్డిని గెలిపించాలని ఓటర్లను అభ్యర్థించారు. సాగునీరు, పట్టభూముల సమస్యలు పరిష్కరిస్తానని హామీనిచ్చారు.

ప్రధాన మంత్రి స్థాయి వ్యక్తులు హిందువులు, ముస్లింల గురించి మాట్లాడతారా అంటూ వికారాబాద్​ తెరాస బహిరంగ సభలో కేసీఆర్​ ధ్వజమెత్తారు. తెరాసకు కులం, మతం లేకుండా పరిపాలిస్తోందని స్పష్టం చేశారు. దేశాన్ని విభజించి పాలించే దుర్మార్గ కుటిలనీతి మంచిది కాదని మండిపడ్డారు. దేశ సంపద పెంచుకునే దిశగా ప్రయత్నం చేస్తున్నానని తెలిపారు. చేవెళ్ల ఎంపీ అభ్యర్థి రంజిత్​రెడ్డి 2001 నుంచి ఉద్యమకారుడు... పదిమందికి అన్నం పెట్టే స్థాయిలో ఉన్న వ్యక్తని పేర్కొన్నారు. స్వార్ధ కోసం రాజకీయాలకు రావాట్లేదని ప్రజలకు సేవలందించడానికి వస్తున్నారని వెల్లడించారు. సాగునీరు, పట్టభూములు, రైతులను కాపాడే బాధ్యత తనదని గులాబీ అధినేత హామీనిచ్చారు.