పక్షులకు దీటుగా ఎగిరిపోతే ఎంత బాగుంటుందీ..!

వారంతా పిట్టల్లా ఎగిరిపోతున్నారు.. ఎత్తయిన పర్వతం నుంచి అమాంతం కిందకు దూకేసి గాల్లో విన్యాసాలు చేస్తున్నారు. వింగ్​సూట్​ ఫ్లైయింగ్ ప్రపంచ ఛాంపియన్​షిప్ పోటీల్లో భాగంగా అందరినీ విశేషంగా అకట్టుకుంటున్న ఈ దృశ్యాలు చూడాలంటే చైనాకు వెళ్లాల్సిందే..!

చైనాలో జరుగుతున్న 'వింగ్​సూట్​ ఫ్లైయింగ్ ప్రపంచ ఛాంపియన్​షిప్​-2019' పోటీలు సదరు ప్రేక్షకుడిని అబ్బురపరుస్తున్నాయి. పక్షులకు దీటుగా పోటీదారులు చేసిన విన్యాసాలు అందరినీ విశేషంగా ఆకట్టుకుంటున్నాయి. జంగ్​జియాజీలోని 300 మీటర్ల ఎత్తున్న యూహూ శిఖరం అంచు నుంచి అమాంతం దూకేసి విన్యాసాలు చేస్తున్నారు. మనిషికి రెక్కలొచ్చినట్టుండే ప్రత్యేక దుస్తులను ధరించి.. గంటకు 160 కి. మీ ల వేగంతో పక్షిలా ఎగిరిపోతున్నారు. టేకాఫ్, ల్యాండింగ్ ప్రదేశాల మధ్య 990 మీటర్ల దూరం ఉన్నప్పటికీ కఠోర సాధనతో అలవోకగా దూకేస్తున్నారు పోటీదారులు.

2012 నుంచి జరుగుతున్న ఈ పోటీల్లో ఈ ఏడాది 11 దేశాల నుంచి 16 మంది అనుభవజ్ఞులు పోటీ పడ్డారు. ఈ నెల 5న హ్యూనన్​ ప్రావిన్స్​లో ప్రారంభమైన వింగ్​సూట్​ ఫ్లైయింగ్​ వరల్డ్​ ఛాంపియన్​షిప్​ ఆదివారం వరకు కొనసాగనుంది. ఈ అద్భుత పోటీలను చూసేందుకు వేలాది మంది జంగ్​జియాజీ చేరుకుంటున్నారు. గాలి వేగానికి ఎదురెళ్లి నిలుస్తున్న పోటీదారుల ధైర్యానికి సలాం కొడుతున్నారు.

ఇదీ చూడండి:తోటి రౌడీ కోసం ఏకే47తో పోలీస్ స్టేషన్​లో బీభత్సం