నిజామాబాద్ ఎన్నిక వాయిదా వేయాలంటూ రైతు ఎంపీ అభ్యర్థులు వేసిన పిటిషన్పై విచారణను హైకోర్టు రెండు వారాల పాటు వాయిదా వేసింది. ఈ నిర్ణయంతో ఎన్నిక వాయిదా పడే అవకాశం దాదాపు లేనట్లే. ఈ కేసు విషయంలో ఎన్నికల కమిషన్‌కు హైకోర్టు నోటీసులు జారీ చేసింది. కేంద్ర ప్రభుత్వాన్ని ఇంప్లీడ్‌ చేయాల్సిందిగా పిటిషనర్ తరఫు న్యాయవాదికి సూచించింది. నిజామాబాద్ రైతుల పిటిషన్పై ఈరోజు న్యాయస్థానం విచారణ చేపట్టింది.
"మొదట్లో బ్యాలెట్ పద్ధతిలో ఈసీ ఎన్నిక నిర్వహిస్తామంది. కానీ రెండు రోజుల్లో 25వేల ఈవీఎంలు ఎట్లా తీసుకొచ్చారో.. అలాగే 178 మంది రైతు అభ్యర్థులు గుర్తులు కేటాయించడం రెండు, మూడు గంటల పని అంతే! కానీ ఎన్నికల సంఘం అధికార పార్టీకి వంతపాడుతోంది. బ్యాలెట్ పద్ధతిలో ఎన్నికలు పెట్టరు. ఈవీఎంలు ట్యాంపరింగ్ చేయరని నమ్మకం ఏంటీ? ఇదంతా కావాలని పార్టీల ప్రోద్భలంతో ముఖ్యంగా అధికార పార్టీ చేస్తున్నట్లు హైకోర్టుకు వివరించాం."
------రచనా రెడ్డి, పిటిషనర్ తరఫు న్యాయవాది