భారీ క్రికెటర్.. క్యాచ్ భళా

సరిగ్గా పన్నెండేళ్ల క్రితం బెర్ముడా జట్టుకు చెందిన ఓ భారీకాయుడు ప్రపంచకప్​లో​ పట్టిన  క్యాచ్.. క్రీడాభిమానుల్ని విపరీతంగా ఆకర్షించింది.

క్రికెట్ అంటే ఫిట్​గా ఉండాలనే హద్దులు చెరిపేశాడు. ఆటకు బరువు సమస్య కాదని నిరూపించాడు. 2007 ప్రపంచకప్​లో మార్చి 19న అంటే సరిగ్గా ఇదే రోజున... భారత్​- బెర్ముడా మధ్య జరిగిన మ్యాచ్​లో రాబిన్ ఊతప్ప క్యాచ్​ని ఒంటి చేత్తో​ పట్టి అందరి దృష్టిని ఆకర్షించాడు ఆ క్రికెటర్. అతడే బెర్ముడాకు చెందిన డ్వేన్ లెవరాక్. టోర్నీలో అతడు క్యాచ్​ పట్టిన వీడియో.. క్రికెట్ అభిమానుల్ని విపరీతంగా ఆకర్షించింది. విశేషమేమిటంటే ప్రస్తుతం అతడుజైలర్​గానూ విధులునిర్వర్తిస్తున్నాడు.

అంతర్జాతీయ క్రికెట్​లోకి ఆ టోర్నీతోనే అరంగేట్రం చేసింది బెర్ముడా జట్టు. గ్రూప్ దశలో అన్ని మ్యాచ్​ల్లో ఓడిపోయి ఇంటిముఖం పట్టింది.

ఈ మ్యాచ్​లో టీమిండియా మరో ఘనత సాధించింది.ఈ మెగాటోర్నీలో తొలిసారిగా 400 పరుగుల మార్క్​ను దాటింది.