'కేసీఆర్.. జగన్ను చూసి నేర్చుకో : నారాయణ'
నమ్మి ఓటు వేసిన ప్రజలనే మోసం చేసిన వారు మిమ్మల్నీ మోసం చేస్తారని, జాగ్రత్తగా ఉండండి అని పార్టీ ఫిరాయింపులకు పాల్పడిన ఎమ్మెల్యేల కుటుంబ సభ్యులను సీపీఐ జాతీయ కార్యదర్శి నారాయణ హెచ్చరించారు. ఫిరాయింపులను ప్రోత్సహించను అని, ఒకవేళ తమ పార్టీలో చేరాలనుకుంటే ఇతర పార్టీకి రాజీనామా చేసి రావాలన్న ఏపీ సీఎం జగన్మోహన్ రెడ్డిని చూసి కేసీఆర్ నేర్చుకోవాలని హితవు పలికారు. ఫిరాయింపులను నిరసిస్తూ హైదరాబాద్లో అంబేడ్కర్ విగ్రహం వద్ద ఆందోళనకు దిగారు. వారిని అడ్డుకున్న పోలీసులు అరెస్టు చేసి పోలీస్ స్టేషన్కు తరలించారు.