'చిత్రనగరి'తో మెరిసిపోతున్న రాజ్కోట్ 'చిత్రనగరి' కార్యక్రమంతో గుజరాత్లోని రాజ్కోట్ రంగులమయంగా మారింది. నగరంలో ఎటు చూసినా సందేశాత్మక చిత్రాలు దర్శనమిస్తూ అందరినీ విశేషంగా ఆకట్టుకుంటున్నాయి..
స్వచ్ఛభారత్, పర్యావరణ పరిరక్షణ, బేటీ బచావో-బేటీ పడావో, ట్రాఫిక్పై అవగాహన, నీటిని పరిరక్షించటం, ఇలా ఎన్నో రకాల సందేశాలతో వేసిన చిత్రాలు అందరి దృష్టినీ ఆకర్షిస్తున్నాయి.
దాదాపు 1200 మంది చిత్రకారులు ఎటువంటి ఆర్థిక లబ్ధి ఆశించకుండా ఉచితంగా ఈ చిత్రాలు వేయటం విశేషం. ఇందులో చిన్నారులు, యువకులు కూడా ఉన్నారు.
ప్రభుత్వ, ప్రైవేటు సంస్థల భవనాలు, పాఠశాలల గోడలు, విమానాశ్రయాలు, రైల్వేస్టేషన్లు, సెంట్రల్ జైలు ఇలా ప్రతి చోటా వేసిన చిత్రాలతో రాజ్కోట్ మరింత అందంగా తయారైంది.
సమాజానికి చిత్రాల ద్వారా సందేశాన్ని అందించే ఈ చిత్రనగరి కార్యక్రమానికి స్థానిక కార్పొరేటర్లు పూర్తిగా సహకరిస్తున్నారు. అందువల్ల మూడు సంవత్సరాలుగా ఈ కార్యక్రమం దిగ్విజయంగా జరుగుతోంది.
