నిజాయితీ చాటిన హైదరాబాద్​ ఆటో డ్రైవర్

విలువైన డాక్యుమెంట్స్ దొరికితే వాటిని తన నిజాయితీతో పోలీసులకు అప్పగించి అందరి మన్ననలు పొందాడు ఓ ఓ ఆటో డ్రైవర్​.

హైదరాబాద్​లో ఓ ఆటోడ్రైవర్ నిజాయితీని పోలీసులు అభినందించారు. అంబర్​పేట్ పోలీస్​స్టేషన్‌ సమీపంలో ఓ ప్రయణికురాలు ఆటో ఎక్కింది. గమ్యాన్ని చేరుకున్న తర్వాత దిగేటప్పుడు తన బ్యాగు మరిచిపోయింది. ఆటో డ్రైవర్‌ ఎం.నర్సింహ్మ ఆ బ్యాగును పోలీసులకు అందచేశారు. పరిశీలించిన పోలీసు సిబ్బంది, అందులో విలువైన డాక్యుమెంట్స్ ఉన్నాయని నిర్ధరణకు వచ్చారు. బ్యాగు పొగొట్టుకున్న సదరు మహిళ అంబర్​పేట పోలీస్​స్టేషన్​కు రాగా.. ఆమెకు బ్యాగును ఇచ్చేశారు. ఆటో డ్రైవర్ నర్సింహ్మను ఆదర్శంగా తీసుకొని పని చేయాలని పోలీసులు ప్రశంసించారు.

ఇవీ చూడండి: కొత్త సచివాలయం, అసెంబ్లీ అవసరమేంటి?