దేశంలో అనిశ్చితికి ప్రధాని నరేంద్ర మోదీ కారణమంటూ ఆరోపించారు ఎంఐఎం అధినేత అసదుద్దీన్ ఓవైసీ. శనివారం హైదరాబాద్ పాతబస్తీ బాబానగర్లో పార్లమెంట్ ఎన్నికల ప్రచారంలో భాగంగా బహిరంగ సభ నిర్వహించారు. ఈ కార్యక్రమానికి చాంద్రాయణ గుట్ట నియోజకవర్గ కార్పోరేటర్లు, కార్యకర్తలు హాజరయ్యారు.
ఇంట్లో ఎవరూ లేకుంటే ట్రంప్ను కౌగిలించుకుంటావా అంటూ... ప్రధానిపై అనుచిత వ్యాఖ్యలు చేశారు మజ్లిస్ అధినేత. ఆహ్వానం అందనిదే పాకిస్థాన్లోని నవాజ్ షరీఫ్ ఇంటికి వెళతారని విమర్శించారు. కాపలాదారు అని చెప్పుకునే ప్రధాని పుల్వామా దాడిలో జవాన్లు చనిపోతే ఇంట్లో పడుకున్నావా అంటూ తీవ్రస్థాయిలో విరుచుకుపడ్డారు.