ఏపీ ముఖ్యమంత్రిగా ప్రమాణస్వీకారం చేసిన జగన్... కొద్ది గంటల్లోనే అధికారుల బదిలీలకు సంబంధించి కీలక నిర్ణయాలు తీసుకున్నారు. తన జట్టును రూపొందించుకోవడంపై దృష్టి సారించారు. గత ప్రభుత్వ హయాంలో కీలకంగా వ్యవహరించిన అధికారులను బదిలీ చేసి వారి స్థానంలో... కొత్త వారిని ఎంపిక చేసుకుంటున్నారు. ముఖ్యమంత్రి కార్యాలయంలో పనిచేస్తున్న పలువురు అధికారులతో పాటు డీజీపీ, ఏసీబీ డైరెక్టర్ జనరల్ను బదిలీ చేస్తూ ప్రభుత్వం ఉత్తుర్వులు జారీ చేసింది. బదిలీ అయిన అధికారులు సాధారణ పరిపాల శాఖకు రిపోర్ట్ చేయాలని ఆదేశించింది.
సీఎం కార్యాలయంలో బదిలీలు..
ముఖ్యమంత్రి కార్యాలయంలోని ఉన్నతాధికారుల బదిలీలుమొదలయ్యాయి. ఆంధ్రప్రదేశ్‌ ముఖ్యమంత్రిగా వైఎస్‌ జగన్‌మోహన్‌రెడ్డి బాధ‍్యతలు స్వీకరించిన అనంతరం సీఎంవో అధికారులపై బదిలీ వేటు పడింది. గత సీఎంకు ప్రత్యేక ప్రధాన కార్యదర్శిగా ఉన్న సతీష్‌ చంద్ర, ముఖ్య కార‍్యదర్శి సాయి ప్రసాద్‌, సీఎం కార్యదర్శిలు గిరిజా శంకర్‌, రాజమౌళిని బదిలీ చేస్తూ రాష్ట్ర ప్రభుత్వం గురువారం ఉత్తర్వులు జారీ చేసింది. వీరంతా సాధారణ పరిపాలన శాఖకు రిపోర్టు చేయాలని ఆదేశాలు వెలువడ్డాయి. ఏపీ సీఎం వైఎస్‌ జగన్‌మోహన్‌రెడ్డి అదనపు కార్యదర్శిగా సీనియర్ ఐఏఎస్‌ అధికారి ధనుంజయ్‌ రెడ్డి నియమితులయ్యారు. ప్రస్తుతం ఆయన ఆంధ్రప్రదేశ్‌ టూరిజం అభివృద్ధి కార్పొరేషన్‌ మేనేజింగ్‌ డైరెక్టర్గా పనిచేస్తున్నారు.
సీఎం ఓఎస్డీగా పి. కృష్ణామోహన్ రెడ్డి....