గ్యాస్​ పైప్​లైన్​ లీక్​... ఉవ్వెత్తున ఎగిసిన మంటలు

శాన్​​ ఫ్రాన్సిస్కో నగరంలో గ్యాస్​ పైప్​లైన్​ లీకేజీతో అగ్ని ప్రమాదం సంభవించింది. భారీ ఎత్తున మంటలు విస్తరించాయి.

అమెరికా ఉత్తర కాలిఫోర్నియాలోని శాన్​ ఫ్రాన్సిస్కో నగరంలో గ్యాస్​ పైప్​లైన్​ లీకేజీతో అగ్ని ప్రమాదం జరిగింది. పెద్ద ఎత్తున ఎగిసిపడిన మంటలతో పక్కనే ఉన్న ఓ భవంతికి జ్వాలలు వ్యాపించాయి.

సమాచారం అందుకున్న అధికారులు సమీప భవనాల్లోని ప్రజలను సురక్షిత ప్రాంతాలకు తరలించారు. ఇప్పటి వరకు ఎలాంటి ప్రాణ నష్టం జరగలేదని తెలిపారు. నిర్మాణంలో ఉన్న భవనానికి ఫైబర్​ లైన్లు వేస్తుండగా గ్యాస్​ పైప్​లైన్​కు అంటుకుని ప్రమాదం జరిగి ఉండొచ్చని అనుమానం వ్యక్తం చేశారు అగ్నిమాపక దళాధికారి.