అగస్టా నిందితుడు రాజీవ్​ సక్సెనాకు బెయిల్ నిర్ణయం నేడే

అగస్టా వెస్ట్​ ల్యాండ్ హెలికాప్టర్ల కుంభకోణంలో ఆరోపణలు ఎదుర్కొంటున్న రాజీవ్​ సక్సెనాకు బెయిల్​ మంజూరుపై నేడు నిర్ణయం తీసుకోనుంది దిల్లీ కోర్టు.

అగస్టా వెస్ట్​ల్యాండ్ కేసులో నిందితుడు రాజీవ్ సక్సెనాకు బెయిల్ మంజూరుపై నేడు దిల్లీ కోర్టు నిర్ణయం తీసుకోనుంది. లుకేమియా వ్యాధి తీవ్రమైందని బెయిల్​కు అభ్యర్థించారు రాజీవ్​ సక్సేనా. ఈ అభ్యర్థన పరిశీలించిన న్యాయస్థానం.. అతడి ఆరోగ్య పరిస్థికికి సంబంధించిన ఓ నివేదికను బుధవారం 2 గంటల్లోగా ఇవ్వాల్సిందిగా ఎయిమ్స్​ వైద్యులను ఆదేశించింది.

సక్సేనా బెయిల్​ పిటిషన్​పై ఎన్​ఫోర్స్​మెంట్ డైరెక్టరేట్(ఈడీ) ఎలాంటి అభ్యంతరం వ్యక్తం చేయలేదు.

నిందితుడి ప్రస్తుత ఆరోగ్య పరిస్థితి దృష్ట్యా బెయిల్ మంజూరు చేయాలని, రోగ నిరోధక శక్తి సైతం పడిపోయిందని రాజీవ్​ తరఫు న్యాయవాది కోర్టుకు విన్నవించారు.