కేసీఆర్​పై అభ్యంతరకర పోస్టులు పెట్టిన వ్యక్తి అరెస్ట్

సీఎం కేసీఆర్​పై ఫేస్ బుక్​లో అభ్యంతరకర పోస్టులు పెట్టిన వ్యక్తిని పోలీసులు అరెస్టు చేశారు. “స్పిరిట్ ఆఫ్ తెలంగాణ” అనే ఫేస్‌బుక్ ఖాతాలో ఉద్దేశపూర్వకంగా పెట్టిన పోస్టుల ఆధారంగా... యువకున్ని పోలీసులు అదుపులోకి తీసుకున్నారు.

ఫేస్‌బుక్‌లో సీఎం కేసీఆర్​తో పాటు ఇతర తెరాస నాయకులపై అభ్యంతరకరమైన వ్యాఖ్యలు పోస్ట్ చేసిన వ్యక్తిని రాచకొండ సైబర్ క్రైం పోలీసులు అరెస్టు చేశారు. సైబర్ క్రైం కానిస్టేబుల్ రమేశ్ ఫిర్యాదు మేరకు కేసు నమోదు చేసుకున్న పోలీసులు ఉప్పల్​కు చెందిన బాల్ చందర్ అనే యువకుడు “స్పిరిట్ ఆఫ్ తెలంగాణ” అనే ఫేస్‌బుక్ ఖాతాలో ఉద్దేశపూర్వకంగా పరువును అప్రదిష్టపాలు చేయడానికి పోస్టు చేసినట్లు తెలుసుకుని సాంకేతిక ఆధారాలతో అతన్ని పోలీసులు అరెస్టు చేశారు.