భారత్​కు వ్యతిరేకంగా ఫేక్​ న్యూస్​.. 35 పాక్​ యూట్యూబ్​ ఛానళ్లు బ్యాన్​ ​

Youtube channels blocked in India: భారత్​కు వ్యతిరేకంగా ఫేక్​ న్యూస్​ వ్యాప్తి చేస్తున్న 35 యూట్యూబ్​ ఛానళ్లు సహా పలు ఫేస్​బుక్​, ట్విట్టర్​, ఇన్​స్టాగ్రామ్​ ఖాతాలను బ్లాక్​ చేసింది కేంద్రం. అవన్నీ పాకిస్థాన్​ నుంచి ఆపరేట్​ అవుతున్నట్లు తెలిపింది. ఈ అంశంపై నిఘా విభాగం పని చేస్తోందని ముందు ముందు మరిన్ని ఛానళ్లపై చర్యలు తీసుకుంటామని పేర్కొంది.

Youtube channels blocked in India: నిఘా విభాగం అందించిన సమాచారంతో పాకిస్థాన్​ నుంచి ఆపరేట్​ అవుతోన్న యుట్యూబ్ వంటి సామాజిక మాధ్యమాలను బ్లాక్​ చేసినట్లు తెలిపింది సమాచార, ప్రసారాల మంత్రిత్వ శాఖ. జనవరి 20న ఈ ఆదేశాలు జారీ చేసినట్లు వెల్లడించారు ఐబీ మంత్రిత్వ శాఖ జాయింట్​ సెక్రెటరీ విక్రమ్​ సహాయ్​.

" నిఘా విభాగం సమాచారంతో 35 యూట్యూబ్​ ఛానళ్లు, 2 ట్విట్టర్, 2 ఇన్​స్టాగ్రామ్​ ఖాతాలు, 2 వెబ్​సైట్లు, ఓ ఫేస్​బుక్​ ఖాతాను బ్లాక్​ చేయాలని ఆదేశించాం. ఆయా ఖాతాలను పరిశీలిస్తే అవన్నీ పాకిస్థాన్​ నుంచి ఆపరేట్​ అవుతున్నాయని తెలిసింది. భారత్​కు వ్యతిరేకంగా ఫేక్​ న్యూస్​ను వ్యాప్తి చేయటం వంటివి చేస్తున్నారు. "

- విక్రమ్​ సహాయ్​, ఐబీ జాయింట్​ సెక్రెటరీ.

ఆ యూట్యూబ్​ ఛానళ్లకు 1.20 సబ్​స్క్రైబర్లు, 130 కోట్ల వ్యూవ్స్​ ఉన్నట్లు చెప్పారు ఐబీ మంత్రిత్వ శాఖ సెక్రెటరీ అపుర్వ చంద్ర. అలాంటి ఛానళ్లపై చర్యలు చేపట్టామని, ముందు ముందు మరిన్ని ఛానళ్లను బ్లాక్​ చేస్తామన్నారు. ఆ దిశగా నిఘా విభాగం పని చేస్తున్నట్లు చెప్పారు. అందుకు ప్రజల మద్దతు కూడా అవసరమన్నారు.

సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!

ఇదీ చూడండి:మోదీకి 71% ప్రజామోదం.. ప్రపంచంలోనే 'నంబర్‌ 1' దేశాధినేత