Youth Stunt With Cobras: కర్ణాటక ఉత్తర కన్నడ జిల్లా సిరసీలో ఓ యువకుడు నాగుపాములతో ప్రమాదకర రీతిలో ఆడుతూ ప్రాణాల మీదికి తెచ్చుకున్నాడు. మూడు నాగుపాములను ఆడిస్తున్న క్రమంలో ఓ పాము కాటు వేసింది. దీంతో ఆస్పత్రి పాలయ్యాడు. ఈ వీడియో నెట్టింట వైరల్గా మరింది.
నాగుపాములతో ప్రమాదకర రీతిలో ఆటలు
జిల్లాలో మాజ్ సయ్యద్ (20) పాములంటే చాలా ఇష్టపడేవాడు. ఇప్పటికే 5 వేల కంటే ఎక్కువ పాములను రక్షించాడు. ఈ క్రమంలో మూడు నాగు పాములను.. నిపుణుల మాదిరిగానే ఆడించాడు. ఆ సమయంలో ఓ నాగుపాము అకస్మాత్తుగా దాడి చేసింది. అతని మోకాలుపై కాటు వేసింది. ఈ ఘటన దేవికెరె అటవీ ప్రాంతంలో జరిగింది. వెంటనే నగరంలోని ఓ ప్రైవేట్ ఆసుపత్రికి తరలించగా 3 రోజుల పాటు చికిత్స పొందుతూ కోలుకుంటున్నాడు.