Weekly Horoscope: ఈ వారం రాశిఫలం (అక్టోబరు 24 - అక్టోబరు 30)

ఈ వారం (అక్టోబరు 24 - అక్టోబరు 30) మీ రాశి ఫలాల గురించి డాక్టర్‌ శంకరమంచి రామకృష్ణ శాస్త్రి ఏమన్నారంటే..

ఈ వారం (అక్టోబరు 24 - అక్టోబరు 30) రాశిఫలాల గురించి డాక్టర్‌ శంకరమంచి రామకృష్ణ శాస్త్రి చెప్పిన సంగతులు మీకోసం..

మేషం (అశ్విని, భరణి, కృత్తిక 1వ పాదం)

వ్యాపార లాభముంటుంది. ఆర్థికంగా ఎదుగుదల సూచితం. ఉద్యోగంలో ఏకాగ్రత అవసరం. ధైర్యంగా ముందడుగేయండి. అంతా సవ్యంగా జరుగుతుంది. ముఖ్యకార్యాల్లో శ్రమ పెరుగుతుంది. స్పష్టంగా మాట్లాడండి. కుటుంబ సహకారంతో విఘ్నాలు తొలగుతాయి. ఆరోగ్యంపై శ్రద్ధ పెంచండి. వారాంతంలో శుభం జరుగుతుంది. సూర్యనమస్కారం శక్తినిస్తుంది.

వృషభం (కృత్తిక 2,3,4 పాదాలు; రోహిణి, మృగశిర 1,2 పాదాలు)

ఉద్యోగంలో శుభఫలితం ఉంది. ఉత్సాహంగా పని చేయండి. ఆపదలు తొలగుతాయి. ఇప్పుడు తీసుకునే నిర్ణయం మంచి భవిష్యత్తుకు పునాది అవుతుంది. గతంలో కాని పనులు ఇప్పుడవుతాయి. నూతన బాధ్యతలు చేపడతారు. ఇంట్లో మనశ్శాంతి లభిస్తుంది. సంతృప్తినిచ్చే అంశాలున్నాయి. స్థిరత్వం వస్తుంది. ప్రయాణ లాభముంటుంది. విష్ణుస్మరణ మంచిది.

మిథునం (మృగశిర 3,4 పాదాలు, ఆర్ద్ర, పునర్వసు 1,2,3 పాదాలు)

సమయానుకూలంగా నిర్ణయం తీసుకోవాలి. వ్యాపారం శుభప్రదం, ఆర్థికస్థితి అనుకూలిస్తుంది. ఉద్యోగంలో ఆటంకాలున్నాయి. ముఖ్యమైన అంశాల్లో ఏకాగ్రతను పెంచండి. ఆటంకపరిచే వారున్నారు. దైవానుగ్రహంతో ఒకపని పూర్తిచేస్తారు. వ్యయం తగ్గించండి. ఒకమెట్టు దిగి అయినా పని పూర్తి చేసుకోవాలి. ఇష్టదేవతను స్మరించండి, శుభవార్త వింటారు.

కర్కాటకం (పునర్వసు 4వ పాదం; పుష్యమి, ఆశ్లేష)

కార్యసిద్ధి ఉంటుంది. ఉద్యోగ వ్యాపారాల్లో మేలు జరుగుతుంది. ఆర్థికంగా కలిసివస్తుంది. సమాజంలో గౌరవం పెరుగుతుంది. అంచెలంచెలుగా పైకి వస్తారు. అభీష్టసిద్ధి ఉంది. ఎదురుచూస్తున్న పని ఒకటి పూర్తి అవుతుంది. దగ్గరివారితో విభేదాలు వద్దు. మీ మంచితనంతో పదిమందికీ ఆదర్శం అవుతారు. సుబ్రహ్మణ్యేశ్వర స్వామిని స్మరించండి.

సింహం (మఖ, పుబ్బ, ఉత్తర 1వ పాదం)

ఉత్తమకాలం నడుస్తోంది. బ్రహ్మాండమైన శుభయోగాలున్నాయి. అన్నివిధాలా కలిసివస్తుంది. కోరుకున్న జీవితం లభిస్తుంది. సరైన ప్రణాళిక అవసరం. సమస్యలు తొలగుతాయి. నూతన ప్రయత్నాలు సఫలమవుతాయి. ధర్మమార్గంలో విజయం లభిస్తుంది. సంతృప్తినిచ్చే అంశం ఒకటుంది. ప్రశాంతమైన జీవితాన్ని పొందుతారు. ఇష్టదేవతారాధన మంచిది.

కన్య (ఉత్తర 2,3,4 పాదాలు; హస్త, చిత్త 1,2 పాదాలు)

లక్ష్మీ కటాక్షం కలుగుతుంది. గౌరవం పెరుగుతుంది. ఉద్యోగంలో బాగుంటుంది. వాస్తవస్థితికి దగ్గరగా ఆలోచించండి, సమస్యకు పరిష్కారం లభిస్తుంది. నిజాయతీ ముందుకు నడిపిస్తుంది. క్రమంగా ఆశయం నెరవేరుతుంది. చంచల నిర్ణయాలు వద్దు. అధికారలాభముంది. వ్యాపారంలో స్వల్ప ఆటంకాలుంటాయి. ఇష్టదైవాన్ని ధ్యానిస్తే మేలు జరుగుతుంది.

తుల (చిత్త 3,4 పాదాలు, స్వాతి, విశాఖ 1,2,3 పాదాలు)

తెలియని ఆటంకాలు ఎదురవుతాయి. జాగ్రత్తగా లక్ష్యాన్ని చేరాలి. కొందరు సమస్యని సృష్టిస్తారు. మిత్రుల సహకారంతో దాన్ని అధిగమించండి. అధికారుల నుండి ఒత్తిడి ఉంటుంది. ఓర్పు అవసరం, చెడు ఊహించవద్దు. ఇంట్లోవారి సూచనలను స్వీకరించండి. ఖర్చును అదుపుచేయాలి. ఆరోగ్యంపై దృష్టి నిలపండి. నవగ్రహ శ్లోకాలు చదివితే మంచిది.

వృశ్చికం (విశాఖ 4వ పాదం; అనూరాధ, జ్యేష్ఠ)

మంచి విజయం లభిస్తుంది. వ్యాపారలాభముంది. పలువిధాలుగా పైకి వస్తారు. మీవల్ల కొందరికి మేలు జరుగుతుంది. ఉద్యోగంలో ఆటంకాలు తొలగుతాయి. శ్రద్ధగా పనిచేసి పెద్దల ఆశీర్వచనాన్ని పొందాలి. ధనలాభం ఉంది. బంధుమిత్రుల వల్ల ఆనందం కలుగుతుంది. శుభవార్త శక్తినిస్తుంది. ఇష్టదేవతాస్మరణతో మంచి జీవితాన్ని పొందుతారు.

ధనుస్సు (మూల, పూర్వాషాఢ, ఉత్తరాషాఢ 1వ పాదం)

శుభయోగముంది. సకాలంలో పనిచేసి అదృష్టవంతులవ్వండి. ఉద్యోగం బాగుంటుంది. దైవబలం పెరుగుతుంది. పనులు త్వరగా పూర్తి అవుతాయి. మేలు చేసేవారున్నారు. ఆలోచించి నిర్ణయాలను తీసుకోండి. తొందరవద్దు. ముఖ్యవ్యక్తులను సంప్రదించడం మంచిది. గత వైభవం లభిస్తుంది. పట్టువిడుపులతో లక్ష్యాన్ని సాధించాలి. విష్ణుస్మరణ ఆనందాన్నిస్తుంది.

మకరం (ఉత్తరాషాఢ 2,3,4 పాదాలు; శ్రవణం, ధనిష్ట 1,2 పాదాలు)

ఉద్యోగంలో ప్రశంసలుంటాయి. మనోబలం పెరుగు తుంది. సమస్యలకు పరిష్కారం లభిస్తుంది. గొప్ప ఆశయంతో ముందుకు సాగండి. అద్భుతమైన ఫలితం వస్తుంది. సొంత నిర్ణయం మంచి భవిష్యత్తును ఇస్తుంది. ధర్మగుణంతో ఆలోచిస్తే శాంతిని పొందుతారు. చెడు చేసేవారు తారసపడతారు. మౌనంగా వ్యవహరించాలి. ఆంజనేయ స్వామి స్మరణ శుభప్రదం.

కుంభం (ధనిష్ట 3,4 పాదాలు; శతభిషం, పూర్వాభాద్ర 1,2,3 పాదాలు)

ముఖ్యకార్యాల్లో శ్రద్ధ పెంచండి. ప్రతిబంధకాలు కొన్ని ఇబ్బంది పెడతాయి. తొందరపడకుండా బుద్ధిబలంతో అధిగమించాలి. ముఖ్యకార్యాలను వాయిదా వేస్తే నష్టాన్ని తగ్గించవచ్చు. అపార్థాలకు తావివ్వవద్దు. వారం మధ్యలో ఒక మేలు జరుగుతుంది. తీసుకున్న నిర్ణయాన్ని మార్చవద్దు. దైవానుగ్రహంతో ఆపదలు తొలగుతాయి. శివస్మరణతో కార్యసిద్ధి ఉంటుంది.

మీనం (పూర్వాభాద్ర 4వ పాదం, ఉత్తరాభాద్ర, రేవతి)

ముఖ్యకార్యాల్లో లాభపడతారు. విజయం త్వరగా వస్తుంది. సొంత నిర్ణయం శక్తినిస్తుంది. సత్ప్రవర్తనతో అధికారులు ప్రసన్నులవుతారు. పూర్వ పుణ్యం కాపాడుతోంది. వారం మధ్యలో ఒక పని పూర్తి చేస్తారు. భవిష్యత్తు బాగుంటుంది. న్యాయం రక్షిస్తుంది. గృహలాభం సూచితం, ఆస్తి వృద్ధి చేసే అవకాశముంది. ఇష్టదేవతను దర్శించండి, శుభవార్త వింటారు.

ఇదీ చూడండి:Covid-19: కరోనాతో తగ్గిన మానవుల ఆయుర్దాయం