Young Man Stole in a Shop wearing his Wife Dress : చోరీ చేసేందుకు యువకుడు భారీ స్కెచ్​.. ఎలా చేశాడో తెలిస్తే నవ్వే!

Young Man Stole in a Shop wearing his Wife Dress : మహిళ వేషధారణలో ఇంటి కింద ఉన్న షాపులో దొంగతనానికి పాల్పడ్డాడు ఇంటి యజమాని కుమారుడు. ఎన్ని జాగ్రత్తలు తీసుకున్న పోలీసులకు మాత్రం సీసీ ఫుటేజ్​లో అడ్డంగా దొరికిపోయాడు. తీరా అతను దొంగలించిన సొమ్ము ఎంతో తెలిస్తే.. నవ్వు ఆపుకోవడం మీ వల్ల కాదు మరీ!

Young Man Stole From Shop Near Home in Sirisila : చిన్న చోరీ కోసం ఓ ప్రబుద్దుడు వేసిన భారీ స్కెచ్ మాత్రం అందరినీ నవ్విస్తోంది. ఎవరికీ చిక్కకూడదనుకుని జాగ్రత్తలు తీసుకున్నా పోలీసులు మాత్రం చోరీ(Robbery) గుట్టు రట్టైంది. జల్సాలకు అలవాటు పడి.. ఇంటి కింద ఉన్న రూంలో అద్దెకు ఇచ్చిన ఫ్లెక్సీ ప్రింటింగ్​ షాపులో ఇంటి యజమాని కుమారుడు చోరీకి పాల్పడ్డాడు. ఈ ఘటన రాజన్న సిరిసిల్ల జిల్లాలోని ఎల్లారెడ్డి పేట మండల కేంద్రంలో జరిగింది.

పోలీసులు తెలిపిన వివరాల ప్రకారం.. ఎల్లారెడ్డిపేటకు చెందిన రామిండ్ల నాంపల్లి భవనంలో అద్దెకు కొన్ని షాపులు నడుస్తున్నాయి. ఓ దుకాణాన్ని సింగారం గ్రామానికి చెందిన బంటి లక్ష్మీనారాయణ ఫ్లెక్సీ ప్రింటింగ్ కేంద్రం నిర్వహిస్తున్నారు. ఈ నెల 9న ఎప్పటిలాగానే రాత్రి తన షాపుకు తాళం వేసి ఇంటికి వెళ్లిపోయాడు. మరునాటి ఉదయం 11 గంటలకు వచ్చి చూసే సరికి షాపు వెనక తలుపు తెరిచి ఉండడంతో అనుమానించిన ఆరా తీశాడు. ఈ క్రమంలో తన షాపులో చోరీజరిగిందని స్థానిక పోలీసులకు ఫిర్యాదు చేయడంతో పాటు దుకాణంలో ఏర్పాటు చేసిన సీసీ ఫుటేజీ గమనించి పోలీసులకు ఇచ్చారు.

Man Stole Money From Shop :అయితే సీసీ ఫుటేజీలో రికార్డయిన దృశ్యాలను చూసి మహిళా దొంగ ఎవరని ఆరా తీసే పనిలో పడ్డారు. ఎల్లారెడ్డిపేట ప్రాంతంలో మహిళా దొంగలు ఎంట్రీ ఇచ్చారా..? ఏదైనా ముఠా ఈ ప్రాంతంలో సంచరిస్తుందా అన్న అనుమానంతో పోలీసులు వివిధ కోణాల్లో దర్యాప్తు చేపట్టారు. అయితే ఇందుకు సంబంధించిన సమాచారం మాత్రం లభ్యం కాకపోవడంతో మహిళా దొంగ ఎవరబ్బా అని మల్లగుల్లాలు పడ్డారు.

Young Man Disguised Woman to Steal Money : షాపు పరిసర ప్రాంతాల్లోనూ ఆరా తీస్తున్న క్రమంలో భవనం యజమాని కొడుకుపై అనుమానం వచ్చి అతడిని ప్రశ్నించడంతో అసలు విషయం వెలుగులోకి వచ్చింది. జల్సాలకు అలవాడు పడిన ఇంటి యజమాని సుధీర్ ఎవరికీ అనుమానం రాకుండా యువతి వేషధారణ ధరించి తానే దొంగతనానికి పాల్పడ్డానని చెప్పాడు. తన ఉనికి తెలియకుండా ఉండాలని భావించిన సుధీర్ తన భార్య వినియోగించే సవరం, డ్రస్ ధరించి చోరీకి పాల్పడ్డాడు. షాపులో సీసీ కెమెరాలు ఉన్నాయన్న విషయం తెలిసే ముఖానికి మాస్కు కట్టుకున్నానని తెలిపాడు.

దీంతో సుధీర్​ను అరెస్ట్ చేసిన పోలీసులు కోర్టులో హాజరు పరిచారు. ఇంతకీ సుధీర్ చోరీకి పాల్పడిన నగదు ఎంతో తెలుసా..? రూ. 3,500. తన జల్సా కోసం అత్యంత విలువైన ఆస్తులు ఉన్నా కూడా సుధీర్ దారి తప్పిన తీరుపై పోలీసులు విస్మయం వ్యక్తం చేయగా.. అతను వేషం మార్చిన తీరు తెలుసుకుని నవ్వుకుంటున్నారు.