రైతులకు మద్దతుగా ట్రాక్టర్​ నడిపిన వధువు

సాగు చట్టాలకు వ్యతిరేకంగా రైతులు చేస్తోన్న ఉద్యమానికి ప్రజలు వారికి తోచిన విధంగా మద్దతు తెలుపుతున్నారు. మహారాష్ట్ర యవత్మాల్​కు చెందిన ఓ వధువు ట్రాక్టర్​ నడుపుత పెళ్లి మండపానికి వచ్చి అందరిని అబ్బుర పరిచింది. రైతులకు మద్దతుగా తాను ఈ విధంగా చేసినట్లు పేర్కొంది.

మహారాష్ట్ర యవత్మాల్​లోని రాలెగావ్​కు చెందిన ప్రణిక, తన వివాహ వేడుకకు ట్రాక్టర్​ నడుపుతూ వచ్చి అందరినీ ఆశ్చర్యపరిచింది. కేంద్రం కొత్తగా తీసుకువచ్చిన వ్యవసాయ చట్టాలకు వ్యతిరేకంగా రైతులు చేస్తోన్న ఆందోళనలకు మద్దతుగా తాను ట్రాక్టర్​పై వచ్చినట్లు తెలిపింది. తాను రైతు కుమార్తెను అని చెప్పిన ఆమె.. ప్రపంచానికి భోజనం పెడుతున్న అన్నదాతలకు అండగా నిలవాల్సిన అవసరం ఉందని పేర్కొంది.

ప్రణిక యవత్మాల్​కు చెందిన పండరినాథ్,​ దుర్గా దంపతుల కుమార్తె. వారిది వ్యవసాయ కుటుంబం. అదే ప్రాంతంలో ఉండే చంద్రపూర్‌కు చెందిన నిఖిష్​ని వివాహం చేసుకుంది.