అతి తీవ్ర తుపానుగా 'యాస్'

యాస్​ తుపాను అతి తీవ్ర తుపానుగా మారిందని భారత వాతావరణ శాఖ తెలిపింది. ఉత్తర- వాయవ్య దిశగా పయణిస్తూ మరింత తీవ్రంగా మారి బుధవారం ఉదయానికి ఒడిశా ఉత్తర భాగంలోని దమ్రా నౌకాశ్రయాన్ని తాకే అవకాశాలున్నాయని వెల్లడించింది.

యాస్​ తుపాను మంగళవారం సాయంత్రానికి అతి తీవ్ర తుపానుగా మారిందని భారత వాతావరణ శాఖ తెలిపింది. ఒడిశా, బంగాల్​ తీర ప్రాంతాలకు ప్రమాద హెచ్చరికలు జారీ చేసింది.

బంగాళఖాతంలో వాయవ్య దిశాగా కదులుతోందని ఐఎండీ డైరెక్టర్​ మోహపాత్ర తెలిపారు. ఉత్తర- వాయవ్య దిశగా పయణిస్తూ మరింత తీవ్రంగా మారి బుధవారం ఉదయానికి ఒడిశా ఉత్తర భాగంలోని దమ్రా నౌకాశ్రయాన్ని తాకే అవకాశాలున్నాయని వెల్లడించారు.

ఒడిశాలోని ఉత్తర భాగం నుంచి బంగాల్ పశ్చిమ భాగంలో గల తీరప్రాంతంలో, పారాదీప్​-సాగర్​ ఐస్​లాండ్​ మధ్య, దమ్రాకు ఉత్తర భాగంలో, బాలాసోర్​కు దక్షిణ ప్రాంతానికి బుధవారం మధ్యాహ్నానికి తుపాను చేరుకుంటుందని ఐఎమ్​డీ తెలిపింది.

బంగాల్​లో యాస్​ నష్టం..

తుపాను ధాటికి కూలిన విద్యుత్​ స్తంభాలు

తుపాను యాస్​ ప్రభావంతో హలీశహర్​లో 40 ఇళ్లు నేలమట్టం అయ్యాయని బంగాల్​ సీఎం మమతా బెనర్జీ చెప్పారు. ఇప్పటికే 11.5 లక్షల మందిని సురక్షిత ప్రాంతాలకు తరలించినట్లు స్పష్టం చేశారు. పాండువా ప్రాంతంలో పిడుగల ధాటికి ఇద్దరు మరణించారని తెలిపారు.

తుపాను తీవ్రతకు కూలిన భవనం

ఇదీ చదవండి:తమిళనాడులో ఆందోళనకర స్థాయిలో కరోనా