Woman Doctor Dies: పెళ్లి చేసుకున్న 6 నెలలకే ఓ యువ వైద్యురాలు ఆత్మహత్యకు పాల్పడిన సంఘటన తమిళనాడు, కోయంబత్తూర్లో జరిగింది. రెండేళ్ల క్రితం ఎంబీబీఎస్ పూర్తి చేసిన యువతి.. 'పీజీ నీట్'కు సన్నద్ధమవుతుందని ఆమె కుటుంబ సభ్యులు తెలిపారు. అకస్మాత్తుగా ఆత్మహత్య చేసుకోవటానికి గల కారణాలేంటి?
జిల్లాలోని మెట్టుపాలయమ్కు చెందిన రాశి (27).. 2020లో ఎంబీబీఎస్ పూర్తి చేసింది. పీజీ నీట్కు సన్నద్ధమవుతోంది. ఈ క్రమంలోనే ఆరు నెలల క్రితం టెక్స్టైల్ షాప్ నిర్వహిస్తున్న అభిషేక్ను (30) వివాహం చేసుకుంది. అయితే, కొద్ది రోజులుగా నీట్ పరీక్షపై ఆందోళన చెందుతున్నట్లు ఆమె తల్లిదండ్రులు తెలిపారు. గురువారం మధ్యాహ్నం బాధితురాలి తల్లి సెంతమరై.. రాశి గది డోర్ కొట్టగా స్పందించలేదు. ఏం జరిగిందోనని కిటికీలోంచి చూడగా.. ఆత్మహత్య చేసుకుని కనిపించింది. వెంటనే మెట్టుపాలయమ్ పోలీసులకు ఫిర్యాదు చేశారు కుటుంబ సభ్యులు. సంఘటనా స్థలానికి చేరుకున్న పోలీసులు.. మృతదేహాన్ని స్వాధీనం చేసుకుని పోస్ట్ మార్టానికి తరలించారు. కేసు నమోదు చేసుకుని దర్యాప్తు చేపట్టారు.
మహిళా డాక్టర్ ఆత్మహత్య.. పెళ్లైన 6 నెలలకే.. ఏం జరిగింది?
Woman Doctor Dies: ఓ యువ వైద్యురాలు పెళ్లి చేసుకున్న ఆరు నెలలకే ఆత్మహత్య చేసుకున్న సంఘటన తమిళనాడు, కోయంబత్తూర్లో జరిగింది. పీజీ నీట్కు సన్నద్ధమవుతుందని, ఆ భయంతో ఆత్మహత్యకు పాల్పడినట్లు ఆమె తల్లిదండ్రులు ఆరోపించారు.
మహిళా డాక్టర్ ఆత్మహత్య