మైనస్​లోకి ఉష్ణోగ్రతలు- నీళ్లు కావాలంటే నల్లాలను వేడి చేయాల్సిందే!

Winter season in Leh ladakh: లద్దాఖ్​లోని లేహ్​ ప్రజలపై 'శీతాకాలం' ప్రభావం పడింది. అక్కడి ఉష్ణోగ్రతలు మైనస్​లోకి జారుకోవడం వల్ల ప్రజలు తీవ్ర ఇబ్బందులు ఎదుర్కొంటున్నారు. కొన్నిచోట్ల చిన్ననీటి జలవనరులు పూర్తిగా మంచుగడ్డలుగా మారిపోయాయి. మంచినీరు కావాలంటే నల్లాలను వేడిచేయాల్సిన పరిస్థితి నెలకొంది.

Winter season in Leh ladakh: రోజురోజుకూ పడిపోతున్న ఉష్ణోగ్రతలతో కేంద్ర పాలిత ప్రాంతం లద్దాఖ్‌లోని లేహ్ వాసులు తీవ్ర ఇబ్బందులు ఎదుర్కొంటున్నారు. సాధారణ రోజుల్లోనే లేహ్‌లో.. అత్యల్ప ఉష్ణోగ్రతలు నమోదవుతుంటాయి. శీతాకాలం కావడం వల్ల మరింత దిగజారి మైనస్‌ స్థాయికి పడిపోయాయి. ఫలితంగా గజగజ వణికించే చలితో లేహ్‌వాసుల కష్టాలు రెట్టింపు అయ్యాయి. గడ్డకట్టించే చలితో లేహ్‌లో జనజీవనం స్తంభించిపోతోంది.

చలికాచుకుంటూ..

గడ్డకడుతున్న నదులు

పడిపోతున్న ఉష్ణోగ్రతల కారణంగా నదుల్లోని నీరు గడ్డకడుతోంది. పలు చోట్ల చిన్ననీటి జలనవరులు పూర్తిగా మంచుగడ్డలుగా మారిపోయాయి. ప్రజలకు ప్రభుత్వం సరఫరా చేసే నల్లా నీరు సైతం గడ్డకడుతోంది. ఫలితంగా మంచినీరు కావాలంటే నల్లాలను వేడిచేస్తేనే లభ్యమయ్యే పరిస్థితి లేహ్‌లో నెలకొంది.

నది గడ్డకట్టం వల్ల యువత ఆటలు

లేహ్​ అందాలు

Leh temperature today: చలితీవ్రత కారణంగా ఇళ్లల్లోంచి బయటకు రావాలంటేనే భయపడుతున్న లేహ్ వాసులు.. ఉపశమనం పొందేందుకు చలిమంటలను, హీటర్లను ఆశ్రయిస్తున్నారు. ప్రభుత్వం కిరోసిన్, గ్యాస్‌లను సబ్బిడీ మీద అందిస్తేనే.. ఇలాంటి వాతావరణంలో జీవించగలమని చెబుతున్నారు. ప్రభుత్వం ఆ దిశగా ఆలోచించాలని కోరుతున్నారు.

పలుచోట్ల నదుల్లోని నీరు గడ్డకట్టడం వల్ల ఐస్‌హాకీ, స్కేటింగ్ ఆడుతూ యువతఉత్సాహంగా గడుపుతున్నారు.

ఇదీ చూడండి:-snowfall in jk: కశ్మీర్​లో భారీ హిమపాతం- రహదారులను కప్పేసిన మంచు