'ఇకపై ఆర్​ఎస్​ఎస్​ను 'సంఘ్​ పరివార్​' అని పిలవను'

రాష్ట్రీయ స్వయం సేవక్ సంఘ్​ను ఇకపై 'సంఘ్​ పరివార్'గా పిలవనని చెప్పారు కాంగ్రెస్​నేత రాహుల్ గాంధీ. యూపీలో.. కేరళకు చెందిన క్రైస్తవ సన్యాసినులను భజరంగ్​దళ్​ కార్యకర్తలు వేధించారన్న ఆరోపణల నేపథ్యంలో రాహుల్ ఈ విధంగా ట్వీట్ చేశారు.

రాష్ట్రీయ స్వయం సేవక్ సంఘ్​ను 'సంఘ్​ పరివార్​'గా సంబోధించనని అన్నారు కాంగ్రెస్ నేత రాహుల్ గాంధీ. కుటుంబంలో పెద్దలను, స్త్రీలను గౌరవించాలని.. అవి సంఘ్​లో లేవని ఆరోపించారు. ఉత్తర్​ప్రదేశ్​ ఝాన్సీలో కేరళకు చెందిన క్రైస్తవ సన్యాసినుల(నన్​ల)ను భజరంగ్​ దళ్​ కార్యకర్తలు ​వేధించారన్న ఆరోపణల నేపథ్యంలో రాహుల్​ ట్వీట్​కు ప్రాధాన్యం సంతరించుకుంది.

"ఆర్​ఎస్​ఎస్​ను, దాని​ అనుబంధ సంఘాలను 'సంఘ్​ పరివార్​' అని పిలవడం సరికాదు. కుటుంబంలో మహిళలకు, కుటంబ పెద్దలకు గౌరవం ఇవ్వడం ఆనవాయితీ. ఇలాంటివి ఆర్​ఎస్​ఎస్​లో లేవు."

-- రాహుల్ గాంధీ, కాంగ్రెస్ నేత.

ఈ ఘటనపై ఇతర నేతలు సైతం ఆగ్రహం వ్యక్తం చేశారు.

ఇదీ చదవండి:ఉత్తర్​ప్రదేశ్​లో మహిళపై అత్యాచారం