తాను ఎమ్మెల్యేగా గెలిస్తే ప్రతి ఆడపిల్ల బ్యాంకు ఖాతాలో రూ.లక్ష వేస్తానని హామీ ఇచ్చారు భాజపా నేత ఖుష్బూ సుందర్. పురిటిలోనే ఆడ పిల్లను చంపే ధోరణిని ఆపాలని పిలుపునిచ్చారు. తమిళనాడు థౌజండ్ లైట్స్ నియోజకవర్గం నుంచి పోటీ చేస్తున్న ఆమె... శనివారం ప్రచారంలో భాగంగా ఈ వ్యాఖ్యలు చేశారు.
"ప్రతి మహిళ ఆర్థికంగా స్వతంత్రంగా ఉండడం ఎంతో అవసరం. ఆడ పిల్ల పుట్టగానే చిన్నారి పేరిట రూ. లక్ష ఖాతాలో వేస్తాను. ఆమె స్వతంత్రంగా ఎదగడానికి ఈ డబ్బు సాయపడుతుంది."