కొవిషీల్డ్​ కాలపరిమితి పెంపునకు డబ్ల్యూహెచ్​ఓ 'నో'

కొవిషీల్డ్​ కాలపరిమితిని 6 నెలల నుంచి 9 నెలలకు పెంచాలనే సీరం ఇన్​స్టిట్యూట్​ అభ్యర్థనను డబ్ల్యూహెచ్​ఓ తిరస్కరించింది. టీకా కాలపరిమితి విషయంపై సమావేశమవాలని డ్రగ్ కంట్రోలర్​ ఆఫ్​ ఇండియా​ని కోరినట్లు సమాచారం.

కొవిషీల్డ్ టీకా కాలపరిమితిని 6 నెలల నుంచి 9 నెలలకు పెంచాలని సీరం ఇన్​స్టిట్యూట్​ ఆఫ్​ ఇండియా చేసిన అభ్యర్థనను ప్రపంచ ఆరోగ్య సంస్థ తిరస్కరించింది. సరైన సమాచారాన్ని అందించనందుకే డబ్ల్యూహెచ్​ఓ తిరస్కరించిందని విశ్వసనీయ వర్గాల సమాచారం.

టీకా కాలపరిమితిపై సమావేశం కావాలని డ్రగ్ కంట్రోలర్​ ఆఫ్​ ఇండియా​ని డబ్ల్యూహెచ్​ఓ కోరినట్లు తెలుస్తోంది. కొవిషీల్డ్​ కాలపరిమితిని భారత్​ 6 నెలల నుంచి 9 నెలలకు పెంచిన నేపథ్యంలో ఈ సమావేశమవ్వాలని కోరటం గమనార్హం. టీకాను విడుదల చేసే ముందు కనీస డోసు పరిమితి 2.5x100000000 ఉండేలా చూడాలని సీరం ఇన్​స్టిట్యూట్​ని డబ్ల్యూహెచ్​ఓ ఇటీవల కోరింది. కాలపరిమితి అయిపోయేవరకు ఈ డోసు స్థాయి ఉపయోగపడుతుందని అభిప్రాయపడింది.

ఇదీ చదవండి:'5 లక్షల కరోనా టీకాలు వృథా చేసిన మహారాష్ట్ర'