అంటువ్యాధుల కట్టడి మార్గదర్శకాల ప్రకారం కొన్ని కొవిడ్-19 కేసులను గుర్తించలేకపోయినప్పటికీ.. మరణాలను తక్కువగా నమోదు చేసేందుకు అవకాశమే లేదని స్పష్టం చేసింది కేంద్రం. భారత మరణాల రిజిస్ట్రేషన్ వ్యవస్థ పటిష్ఠంగా ఉన్నట్లు తెలిపింది.
కొవిడ్ రెండో దశ ఉద్ధృతి సమయంలో దేశవ్యాప్తంగా ఉన్న ఆరోగ్య వ్యవస్థలు సమర్థమైన చికిత్సపై దృష్టిసారించాయని.. దాని ద్వారా కొవిడ్ మరణాలను గుర్తించటం, నమోదు చేయటంలో కాస్త జాప్యం జరిగినట్లు తెలిపింది కేంద్ర ఆరోగ్య శాఖ. అయితే.. ఆ తర్వాత రాష్ట్రాలు, కేంద్ర పాలిత ప్రాంతాలు మరణాల సంఖ్యను సవరించినట్లు గుర్తు చేసింది.