covid variant mu: భారత్​లో 'మ్యూ' భయాలు- కొత్త వైరస్​ ప్రమాదకరమా?

కొత్త వేరియంట్​ 'మ్యూ'ను.. డబ్ల్యూహెచ్​ఓ వేరియంట్​ ఆఫ్​ ఇంట్రెస్ట్​గా గుర్తించడం ప్రపంచ దేశాల్లో ఆందోళన కలిగిస్తోంది(mu variant). ఇప్పటికే డెల్టా వేరియంట్​ ప్రపంచాన్ని వణికిస్తుంటే, మ్యూ అంతకన్నా ప్రమాదకరంగా మారుతుందా? అని భయాందోళనలు నెలకొన్నాయి. భారత్​లో(mu variant covid india) మ్యూ కేసులు ఉన్నాయా? అసలు ఈ మ్యూ ఎంత ప్రమాదకరం? దీనిపై​ టీకాలు పనిచేస్తాయా?

మొన్న ఆల్ఫా.. నిన్న డెల్టా.. నేడు మ్యూ.. ప్రపంచాన్ని కొవిడ్​ వేరియంట్లు పట్టిపీడిస్తున్నాయి. మ్యూ వ్యాప్తిపై(mu variant) పరిశోధన చేసిన డబ్ల్యూహెచ్​ఓ(ప్రపంచ ఆరోగ్య సంస్థ) శాస్త్రవేత్తలు.. ఈ కొత్త రకాన్ని 'వేరియంట్​ ఆఫ్​ ఇంట్రెస్ట్​'గా గుర్తించారు. ఈ వేరియంట్​(mu variant covid) ఎంత ప్రమాదకరం? దీనిపై టీకాలు పనిచేయవా? భారత్​లో మ్యూ కేసులు బయటపడ్డాయా?

వేరియంట్​ ఆఫ్​ ఇంట్రెస్ట్​ అంటే?

సాధారణంగా వైరస్​లు ఎప్పటికప్పుడు వృద్ధి చెందుతుంటాయి. కొన్నిట్లో మ్యుటేషన్ల కారణంగా వాటి తీవ్రత తగ్గుతుంది. మరికొన్నిట్లో మాత్రం ఉద్ధృతి మరింత తీవ్రమవుతుంది. ఈ రెండో రకంతో టీకాల సామర్థ్యం కూడా తగ్గే ప్రమాదం ఉంది. కొన్ని పరీక్షల్లో బయటపడవు కూడా. వైరస్​ ఉద్ధృతి పెంచే విధంగా మార్పులు జరిగితే దానిని 'వేరియంట్​ ఆఫ్​ ఇంట్రెస్ట్​'గా గుర్తిస్తారు. మ్యూ వేరియంట్​కు ఈ లక్షణాలు చాలానే ఉండటం ఆందోళనకరం. ఈటా, లోటా, కప్ప, లాంబ్డా.. ఈ వైరస్​ రకాలను కూడా 'వేరియంట్​ ఆఫ్​ ఇంట్రెస్ట్​'గా పరిగణిస్తున్నారు.

ఇదీ చూడండి:-డేంజర్‌ 'డెల్టా'కు చైనా చెక్‌.. ఎలా సాధ్యమైందంటే?

ప్రపంచంలో ప్రస్తుతం డెల్టా వేరియంట్​ ఉద్ధృతి ఎక్కువగా ఉంది. మ్యూ వేరియంట్​.. డెల్టాకు మించిన హాని కలిగిస్తే, అప్పుడు దానిని 'ఆందోళనకర వైరస్​ వేరియంట్​'(variant of concern)గా గుర్తిస్తారు. ప్రస్తుతం ఆల్ఫా, బీటా, గామా, డేల్టా ఈ జాబితాలో ఉన్నాయి.

టీకాలు పనిచేయవా?

వైరస్​.. స్పైక్​ ప్రోటీన్ల సాయంతో మనిషి శరీరంలోని కణాలలోకి ప్రవేశిస్తుంది. ఆ సమయంలో వైరస్​పై మనిషి రోగ నిరోధక శక్తి పోరాటం చేసే విధంగా వ్యాక్సిన్లను రూపొందించారు. కొత్త వేరియంట్ల వల్ల స్పైక్​ ప్రోటీన్లలో మార్పులు జరిగితే టీకా సామర్థ్యంపై ప్రభావం పడుతుంది.

ఇదీ చూడండి:-Delta Plus: రెండు డోసులు తీసుకున్నా.. 'డెల్టా ప్లస్'​కు బలి

మ్యూ వేరియంట్.. టీకాల ద్వారా ఉత్పన్నమయ్యే​ యాంటీబాడీల నుంచి తప్పించుకునే ప్రమాదం ఉందని ప్రపంచ ఆరోగ్య సంస్థ(డబ్ల్యూహెచ్​ఓ) ప్రాథమిక నివేదిక ద్వారా తెలిసింది(mu variant covid vaccine). దీనిపై పూర్తిస్తాయి పరిశోధనలు చేయాల్సి ఉంది. ప్రపంచ జనాభాపై దీని ప్రభావం ఎంత ఉంటుందనేది తెలియాల్సి ఉంది.

ప్రస్తుతానికైతే కొవిడ్​ వేరియంట్ల కారణంగా టీకాల సామర్థ్యం తగ్గలేదు!

వైరస్​కు.. టీకా ఒక్కటే పరిష్కారమా?

కాదు. ఏదో ఒక రోజు.. టీకాల సామర్థ్యాన్ని దెబ్బతీసే విధంగా కొత్త వేరియంట్​ పుట్టుకొచ్చే అవకాశముంది. ఇది ఎప్పుడు జరుగుతుందనేది కచ్చితంగా చెప్పడం కష్టం. అయితే టీకా అభివృద్ధి చేస్తున్న సంస్థలు ఈ పరిస్థితి ఎదుర్కొనేందుకు సన్నద్ధమవుతుండటం ఉపశమనాన్ని ఇచ్చే విషయం. డెల్టా వంటి వేరియంట్ల కోసం పలు సంస్థలు ఇప్పటికే టీకాలను రూపొందిస్తున్నాయి.

కొత్త వేరియంట్(covid variant mu)​కు తగ్గట్టుగా 6-8 వారాల్లో టీకాలు మార్చుకునే సామర్థ్యం తయారీ సంస్థలకుంది. దీని కోసం ప్రపంచంలోని నియంత్రణ సంస్థలు అనుమతుల ప్రక్రియను వేగవంతం చేయాల్సి ఉంటుంది. కొన్ని అధ్యయనాలు చేయాల్సి ఉన్నా, కొత్త టీకాల మూలం పాత వ్యాక్సిన్లే కావడం వల్ల పని కాస్త తగ్గుతుంది.

ఇదీ చూడండి:-Covid Vaccine: టీకాతో 'లాంగ్​ కొవిడ్'​ దూరం.. పనితీరు భేష్​!

ప్రపంచంలో ముందు కొవిడ్​ బయటపడింది. ఆ తర్వాత దానికి 50శాతం కన్నా ఎక్కువ వ్యాప్తి చెందే ప్రమాదం ఉన్న ఆల్ఫా ఆవిర్భవించింది. ఆల్ఫా కన్నా 50శాతం ప్రమాదకరమైన డెల్టా ప్రస్తుతం ప్రపంచాన్ని వణికిస్తోంది. మున్ముందు, డెల్టా కన్నా ప్రమాదకరమైన వేరియంట్​ రావడంలో సందేహం లేదని నిపుణులు అభిప్రాయపడుతున్నారు.

కాలంతో పాటు వైరస్​ వ్యాప్తి పెరుగుతూ, దాని ఉద్ధృతి తగ్గుతుంటుందని పరిణామ సిద్ధాంతం అంచనా. అయితే సార్స్​-కొవ్​-2 కూడా ఇదే విధంగా ఉండాల్సిన అవసరం లేదు. దీనిపై మరింత స్పష్టత రావాల్సి ఉంది.

వైరస్​పై యుద్ధంలో గెలవాలంటే టీకాలే కీలకం. ఎంత ఎక్కువ మందికి టీకాలు పడితే, వైరస్​ కొత్త వేరియంట్​ వృద్ధి చెందటం తగ్గుతుంది.

మ్యూ పరిస్థితేంటి.. కొత్త వేరియంట్​ ప్రమాదకరమా?

మ్యూలోను మ్యుటేషన్స్​ను గుర్తించారు శాస్త్రవేత్తలు. వీటిని బట్టి చూస్తే టీకాల సామర్థ్యం తగ్గే అవకాశముంది. అయితే ఇది తొలిసారిగా 2021 జనవరిలో కొలంబియాలో కనిపించినా.. ఇప్పటివరకు పెద్దస్థాయిలో ప్రభావితం చేయకపోవడం ఊరటనిచ్చే విషయం. ప్రస్తుతానికి డెల్టా కన్నా ఇది ప్రమాదకరం కాదు.

భారత్​లో పరిస్థితి?

ఇప్పటివరకు 51వేల నమూనాలను పరీక్షించిన భారత ప్రభుత్వం(mu variant covid india).. దేశంలో మ్యూ కేసు ఒక్కటి కూడా బయటపడలేదని స్పష్టం చేసింది. పరిస్థితులను పర్యవేక్షిస్తున్నట్టు అధికారులు వెల్లడించారు.

ఇదీ చూడండి:-అరచేతిలో వ్యాక్సిన్ సమాచారం.. జస్ట్ గూగుల్!