బంగాల్ మూడో దశ అభ్యర్థుల్లో 26% నేరచరితులే..

బంగాల్​ శాసనసభకు జరగనున్న మూడో దశ ఎన్నికల్లో.. బరిలో నిలిచిన అభ్యర్థుల్లో 26శాతం మంది నేరచరిత్రను కలిగి ఉన్నట్లు 'అసోసియేషన్​ ఫర్​ డెమొక్రటిక్ రీఫామ్స్​​' నివేదిక స్పష్టం చేసింది. వీరంతా క్రిమినల్​ కేసులు సహా మహిళలపై నేరాలకు సంబంధించిన కేసులు ఎదుర్కొంటున్నారని తెలిపింది.

బంగాల్​ శాసనసభ మూడో దశ ఎన్నికల్లో పోటీ చేస్తున్న 205 మంది అభ్యర్థుల్లో 26 శాతం మందిపై క్రిమినల్​ కేసులు ఉన్నట్లు అసోసియేషన్ ఫర్ డెమొక్రటిక్ రీఫామ్స్(ఏడీఆర్) స్పష్టం చేసింది. బరిలో నిలిచిన అభ్యర్థులు సమర్పించిన నామినేషన్ పత్రాలను అధ్యయనం చేసి నివేదికను సమర్పించింది.

పార్టీల వారిగా అభ్యర్థుల నేరచరిత

ఏడీఆర్​ నివేదిక వివరాలు..

• 102(50 శాతం) మంది అభ్యర్థులు 12వ తరగతి వరకు చదువుకున్నారు.
• 53(26 శాతం) మంది అభ్యర్థులపై క్రిమినల్​ కేసులున్నాయి.
• 43(21 శాతం) మంది తీవ్రమైన నేరారోపణలు ఎదుర్కుంటున్నారు.
  

  క్రిమినల్​ కేసుల్లో టాప్​-5లో ఉన్న అభ్యర్థులు
• 33 మంది అభ్యర్థులు కోటీశ్వరులుగా పేర్కొన్నారు.

మొత్తంగా 31 నియోజకవర్గాల్లో 205 మంది అభ్యర్థులు ఏప్రిల్​ 6న తమ అదృష్టాన్ని పరీక్షించుకోనున్నారు. ఇందులో 193 మంది పురుషులు కాగా 12 మంది మహిళా అభ్యర్థులున్నారు.

ఇదీ చూడండి:ఎన్నికల ప్రచారానికి తెర- మంగళవారం పోలింగ్