నన్ను చంపేందుకు భాజపా కుట్ర: మమత

ఎన్నికల సంఘం విధుల్లో హోం మంత్రి అమిత్​ షా జోక్యం ఎక్కువ అవుతోందని బంగాల్​ ముఖ్యమంత్రి మమతా బెనర్జీ ఆరోపించారు. ఈ పద్ధతి మారకపోతే ఎన్నికల సంఘం ఎదుట ధర్నాకు దిగుతానని అన్నారు. బంగాల్​లోని బాంకుడా జిల్లాలో జరిగిన ఎన్నికల ప్రచారంలో పాల్గొన్న మమత అమిత్​ షా పై తీవ్ర స్థాయిలో విరుచుకు పడ్డారు.

బంగాల్​లో అసెంబ్లీ ఎన్నికలకు ముందే తృణమూల్​ కాంగ్రెస్​ నాయకులను వేధించేందుకు కేంద్ర హోంమంత్రి అమిత్​ షా కుట్ర పన్నారని బంగాల్​ ముఖ్యమంత్రి మమతా బెనర్జీ ఆరోపించారు. ఆయన సూచనల మేరకు ఎన్నికల కమిషన్ పనిచేస్తోందా అని అనుమానం వ్యక్తం చేశారు. బంగాల్​లోని బాంకుడా జిల్లాలో జరిగిన ఎన్నికల ప్రచారంలో పాల్గొన్న మమత.. అమిత్​ షాపై తీవ్ర స్థాయిలో ధ్వజమెత్తారు.

"నన్ను చంపడానికి భాజపా కుట్ర చేస్తోంది. నా సెక్యూరిటీ డైరెక్టర్ వివేక్ సహాయ్​ను ఎన్నికల సంఘం తొలగించింది. ఎన్నికల సంఘాన్ని అమిత్​ షా నడిపిస్తున్నారు. వారి పనుల్లోనూ మంత్రి జోక్యం తగదు. ఈ పరిస్థితి మారకపోతే ఎన్నికల సంఘం ముందు ధర్నాకు దిగుతాను. దేశాన్ని కేంద్ర హోం మంత్రి పాలిస్తున్నారా? ఎక్కడ ఎవరిని అరెస్టు చేయాలో, ఎవరిని కొట్టించాలో అమిత్​ షా ఎలా నిర్ణయిస్తారు? ఏ కేసును ఎవరు దర్యాప్తు చేయాలో కూడా ఆయన కనుసన్నల్లోనే జరుగుతోంది. మాకు పారదర్శకంగా ఉండే ఎన్నికలు కావాలి."

-మమతా బెనర్జీ, బంగాల్​ ముఖ్యమంత్రి

బంగాల్​లో అమిత్​ షా నిర్వహించే ర్యాలీలకు ప్రజలు సరిగా రావడం లేదన్నారు దీదీ. ఇది చూసి ఆయన నిరాశకు గురవుతున్నారని చెప్పారు. ఈసీ విధుల్లో అమిత్​ షా జోక్యం చేసుకోవడం ఆపకపోతే... ఎన్నికల సంఘం కార్యాలయం ఎదుట ధర్నాకు దిగుతానని హెచ్చరించారు మమత.

మమత నోట దుర్గాదేవి మంత్రం...

బాంకుడా సభలో దుర్గా మంత్రం జపించారు మమత.

ఇదీ చూడండి:'అల్లర్ల సృష్టిలో మోదీ నం.1- చివరకు ట్రంప్​ పరిస్థితే!'