ఉత్తరాఖండ్ మహా ప్రళయానికి సంబంధించిన సహాయక చర్యలకు ఆటంకం ఏర్పడింది. ధౌలి గంగ నీటి మట్టం అనూహ్యంగా పెరగడమే ఇందుకు కారణం. ఆదివారం రాత్రి 8 గంటల ప్రాంతంలో ఈ ఘటన జరిగింది. ఈ నేపథ్యంలో అధికారులు అప్రమత్తమై సహాయక చర్యలను నిలిపివేశారు. తపోవన్ విద్యుత్ ప్రాజెక్టు సొరంగాల్లో చిక్కుకున్న 30-35మందిని గుర్తించే పనులు కూడా ఆగిపోయాయి. సోమవారం ఉదయం సహాయక చర్యలను తిరిగి పునరుద్ధరించారు.
దేవభూమి ఉత్తరాఖండ్లో ఆదివారం జల విలయం బీభత్సం సృష్టించింది. జోషిమఠ్‌ వద్ద నందాదేవీ హిమానీనదం కట్టలు తెంచుకోవడం వల్ల చమోలీ జిల్లా రేనీ తపోవన్ వద్ద రిషి గంగా నదికి ఆకస్మిక వరదలు సంభవించాయి. రెండు జల విద్యుత్ ప్రాజెక్టులు ధ్వంసమయ్యాయి. ఈ ఘటనలో ఇప్పటివరకు ఏడుగురు ప్రాణాలు కోల్పోయారు. సుమారు 170మంది గల్లంతయ్యారు. 16మందిని సహాయక సిబ్బంది కాపాడింది.
ఇదీ చూడండి:-జలప్రళయం మిగిల్చిన విధ్వంస చిత్రమిది...
దిల్లీ నుంచి నిపుణులు..