Washing Machine Blast: మహారాష్ట్రలోని పుణెలో ఆదివారం సాయంత్రం ఓ అపార్ట్మెంట్లో వాషింగ్ మెషీన్ పేలిపోయింది. ఒక్కసారిగా భారీ శబ్దం రావడం వల్ల చుట్టుపక్క ఇళ్లల్లో ఉన్నవారు భయపడిపోయి పరుగులు తీశారు. సమాచారం అందుకున్న పోలీసులు.. ఓ వ్యక్తిని అదుపులోకి తీసుకున్నారు. అసలేం జరిగిందంటే?
పుణెలోని భవానీపేట్ ప్రాంతంలో బి-వింగ్ అపార్ట్మెంట్లో ఓ వ్యక్తి తన కుటుంబంతో గత పదేళ్లుగా నివసిస్తున్నాడు. వీకెండ్ అని చెప్పి బట్టలు.. వాషింగ్ మెషీన్లో వేద్దామనుకుని సిద్ధమయ్యాడు. కానీ వాషింగ్ మెషీన్ ఆన్ కాలేదు. దీంతో వెంటనే తెలిసిన ఓ మెకానిక్ను పిలిపించాడు. అతడు వచ్చి పరిశీలించాడు. ఏదో సమస్య ఉందని చెప్పి రిపేరు చేయడం ప్రారంభించాడు మెకానిక్. దీంతో ఒక్కసారిగా భారీ శబ్దంతో పేలుడు సంభవించింది. వెంటనే ఇంట్లో వాళ్లు, మెకానిక్ హడలెత్తిపోయి పరుగులు తీశారు. వెంటనే పోలీసులకు సమాచారం అందించారు.