పునీత్​ నేత్రదానంతో మరో 10మందికి కంటిచూపు!

తాను మరణించినా నేత్రదానంతో నలుగురికి కంటిచూపునిచ్చి వారి జీవితాల్లో వెలుగులు నింపారు కన్నడ్ పవర్​ స్టార్​ పునీత్ రాజ్​కుమార్(puneet rajkumar news)​. అయితే ఆయన కళ్లతో ఇంకా చాలా మందికి చూపునివ్వొచ్చని నారాయణ నేత్రాలయ వైద్యులు వెల్లడించారు. పునీత్ కళ్ల స్టెమ్​ సెల్స్​తో 5 నుంచి 10 మందికి తిరిగి చూపు తీసుకురావచ్చన్నారు(puneeth rajkumar eyes).

గుండెపోటుతో అకాల మరణం చెందిన కన్నడ పవర్​స్టార్ పునీత్​ రాజకుమార్​ నేత్ర దానం చేసి ఇప్పటికే నలుగురికి కంటిచూపునిచ్చారు(puneet rajkumar news). కార్నియాతో వారి జీవితాల్లో వెలుగులు నింపారు. పునీత్​ కళ్ల స్టెమ్​సెల్స్​తో ఇప్పుడు మరింత మందికి చూపునివ్వవచ్చని బెంగళూరులోని నారాయణ నేత్రాలయ వైద్యులు తెలిపారు. కార్నియా, స్టెమ్​సెల్స్​ ద్వారా ఎక్కువ మందికి చూపునిచ్చే ప్రాజెక్టు చేపట్టడం ఇదే తొలిసారి అని వారు చెబుతున్నారు.

పునీత్ కళ్లు చాలా ఆరోగ్యంగా ఉన్నాయని(puneeth rajkumar eyes), అందుకే మరింత మందికి చూపునివ్వాలని ఈ ఆలోచనతో ముందుకువచ్చినట్లు నారాయణ నేత్రాలయ ఆస్పత్రి తెలిపింది.

" ప్రమాదాల కారణంగా కళ్లలో చీలికలు ఏర్పడటం, కెమికల్​ స్ప్రే వల్ల కళ్లు దెబ్బతినడం, ఇతరత్రా కారణాల వల్ల చూపు కోల్పోయిన వారికి స్టెమ్ సెల్స్​ ద్వారా తిరిగి చూపు తీసుకురావచ్చు. పునీత్​ కళ్ల స్టెమ్​ సెల్స్​తో మరో 5 నుంచి 10 మందికి చూపునివ్వొచ్చు. కనుగుడ్డులో కార్నియా చుట్టూ ఉండే తెల్లటి భాగంలో స్టెమ్​సెల్స్​ ఉంటాయి. పునీత్ స్టెమ్​సెల్స్​ను గ్రో స్టెమ్​ సెల్స్ అనే ల్యాబ్​లో సురక్షితంగా ఉంచాం." అని నారాయణ నేత్రాలయ వైద్యుడు డా.భుజంగశెట్టి వివరించారు.

జిమ్​లో వ్యాయామం చేస్తూ అక్టోబర్​ 29న ఒక్కసారిగా కుప్పకూలిపోయారు పునీత్ రాజ్​కుమార్​. అనంతరం ఆస్పత్రికి తరలించగా చికిత్స పొందుతూ మరణించారు(puneeth rajkumar death news). ఆయన హఠాన్మరణం సినీపరిశ్రమతో పాటు యావత్ దేశాన్ని కలిచివేసింది.

పునీత్​ కార్నియాతో(puneet rajkumar latest news) ఇప్పటికే నలుగురికి కంటిచూపు తెప్పించారు వైద్యులు. ఈ వార్తకు సంబంధించి మరిన్ని వివరాల కోసం ఇక్కడ క్లిక్ చేయండి.

ఇదీ చదవండి:పునీత్ స్ఫూర్తితో.. నేత్రదానం కోసం 400 మంది దరఖాస్తు