అక్రమంగా తరలిస్తున్న మద్యాన్ని లూటీ చేసిన స్థానికులు
Villagers Looted Liquor: బిహార్లో విస్తుపోయే ఘటన జరిగింది. కొందరు.. అక్రమంగా మద్యం సరఫరా చేస్తున్న వాహనానికి ప్రమాదం జరగ్గా.. ఆ వాహనంలో నుంచి మద్యం బాటిళ్లను స్థానికులు దోచుకెళ్లారు.
బిహార్లో మద్యం నిషేధం ఎప్పటినుంచో కొనసాగుతోంది. అయితే.. అక్రమంగా మద్యాన్ని వాహనంలో తరలిస్తున్నారు దుండగులు. ఈ క్రమంలో గోపాల్ గంజ్లో వాహనం అదుపుతప్పి పక్కనే ఉన్న చెట్టును ఢీ కొట్టింది. ఘటనా స్థలం నుంచి డ్రైవర్ పారిపోయాడు. వాహనంలో మద్యాన్ని చూసిన స్థానికులు ఎగబడి లూటీ చేశారు. ఒకరినొకరు తోసేసుకుంటూ మద్యం బాటిళ్లన్నీ ఖాళీ చేశారు. పోలీసులు వచ్చేలోపు అంతా.. సాధారణంగా ఉండిపోయారు. ఈ వీడియో ఇప్పుడు సామాజిక మాధ్యమాల్లో వైరల్గా మారింది.