ఏడాది తర్వాత బ్యాలెట్​ పేపర్ల రీకౌంటింగ్​.. మళ్లీ ఒక్క ఓటుతోనే ఓడిపోయిన అభ్యర్థి

స్థానిక పంచాయతీ ఎన్నికల్లో తన ఓటమిని జీర్ణించుకోలేక రీకౌంటింగ్​ కోసం దరఖాస్తు చేసుకున్నారు ఓ వ్యక్తి. అయితే ఎన్నికలు జరిగిన ఏడాది తర్వాత రీకౌంటింగ్ జరిగింది. కానీ ఆయన మళ్లీ ఒక్క ఓటు తేడాతోనే ఓడిపోయారు.

కర్ణాటకలోని బెళగావి జిల్లాకు చెందిన ఓ వ్యక్తి.. స్థానిక పంచాయతీ ఎన్నికల్లో తన ఓటమిని జీర్ణించుకోలేక రీకౌంటింగ్​ కోసం దరఖాస్తు చేసుకున్నారు. అయితే ఎన్నికలు జరిగిన ఏడాది తర్వాత గురువారం రీకౌంటింగ్ జరిగింది. కానీ మళ్లీ ఆయనకు నిరాశే ఎదురైంది.

ఇదీ జరిగింది..
జిల్లాలోని హుక్కేరి తాలూకా హెబ్బాల్​లో గతేడాది గ్రామ పంచాయతీ ఎన్నికలు జరిగాయి. అందులో తవనప్ప హోసూర్, రావాసాహెబ్​ పోటీ పడ్డారు. కానీ ఆ ఎన్నికలో రావాసాహెబ్ ఒక్క ఓటు తేడాతోనే ఓడిపోయారు. దీంతో ఓట్ల లెక్కింపు సక్రమంలో జరగలేదని ఆయన కోర్టుకు వెళ్లారు.

కోర్టు ఆదేశాల మేరకు గురువారం.. హుక్కేరి తహశీల్దార్​ డా.దొడ్డప్ప హుగార సమక్షంలో రీకౌంటింగ్ జరిగింది. అయితే ఎన్నో ఆశలు పెట్టుకున్న రావాసాహెబ్​కు మళ్లీ నిరాశే ఎదురైంది. కేవలం ఒక్క ఓటుతో మళ్లీ ఓడిపోయారు. దీంతో కోర్టు.. తవనప్పకే విజయం వరించినట్లు ప్రకటించింది.

ఇవీ చదవండి:సెప్టిక్​ ట్యాంక్​ క్లీన్​ చేస్తుండగా విషాదం.. ఊపిరి ఆడక ముగ్గురు కార్మికులు మృతి!