దేశంలో కరోనా విజృంభణ కొనసాగుతోంది. పలు రాష్ట్రాల్లో కొవిడ్ కేసులు తగ్గుతున్నప్పటికీ.. తమిళనాడులో వ్యాప్తి తగ్గుముఖం పట్టడం లేదు. అక్కడ కొత్తగా 36,184 పాజిటివ్ కేసులు నమోదయ్యాయి. మరో 467 మరణాలు సంభవించాయి. రాష్ట్రంలో మొత్తం బాధితుల సంఖ్య 17,70,988కి పెరిగింది. మృతుల సంఖ్య 19,598కి చేరగా.. 14,76,761 మంది కరోనా నుంచి కోలుకున్నారు.
వివిధ రాష్ట్రాల్లో నమోదైన కేసులు..
- దిల్లీలో కొత్తగా 3,009 కేసులు బయటపడ్డాయి. 252 మంది మహమ్మారికి బలయ్యారు.
- కేరళలో 29,673 కేసులు వెలుగులోకి వచ్చాయి. 128 మంది మరణించారు.
- కర్ణాటకలో 32,218 కేసులు నమోదవ్వగా.. 353 మంది మృతి చెందారు.
- మహారాష్ట్రలో తాజాగా 29,644 కేసులు వెలుగుచూశాయి. 555 మంది కరోనాతో మరణించారు.