'15-18 ఏళ్ల వారికి కరోనా టీకా.. ఫ్రంట్​లైన్​ వారియర్స్​కు బూస్టర్ డోస్'

Vaccination for children: జనవరి 3 నుంచి 15-18 ఏళ్ల పిల్లలకు కరోనా టీకా అందించనున్నట్లు ప్రధానమంత్రి నరేంద్ర మోదీ తెలిపారు. జనవరి 10 నుంచి ఆరోగ్య కార్యకర్తలకు, వృద్ధులకు, దీర్ఘకాలిక వ్యాధులు ఉన్నవారికి బూస్టర్ డోసు అందిస్తామని జాతినుద్దేశించి చేసిన ప్రసంగంలో వెల్లడించారు.

Vaccination for Childrens:దేశంలో కరోనా ఒమిక్రాన్ వేరియంట్ విస్తరిస్తున్న నేపథ్యంలో.. ప్రజలెవరు భయాందోళనకు గురికావద్దని ప్రధానమంత్రి నరేంద్ర మోదీ పేర్కొన్నారు. జనవరి 3 నుంచి 15-18 ఏళ్ల పిల్లలకు టీకాఅందించనున్నట్లు చెప్పారు. జనవరి 10 నుంచి ఆరోగ్య కార్యకర్తలకు, 60 ఏళ్లు పైబడిన వృద్ధులకు, దీర్ఘకాలిక వ్యాధులు ఉన్నవారికి బూస్టర్ డోసు అందిస్తామని వెల్లడించారు. జాతినుద్దేశించి శనివారం రాత్రి ఆయన ప్రసంగించారు.

"'ఒమిక్రాన్'​పై ప్రజలెవరూ ఆందోళనకు గురికావద్దు. మనమంతా అత్యంత అప్రమత్తంగా ఉండాల్సిన సమయం ఇది. వ్యాక్సిన్‌ తయారీ, పంపిణీ కోసం నిరంతరం పనిచేస్తున్నాం. జనవరి 3 నుంచి 15-18 ఏళ్ల వయసు వారికి టీకా అందిస్తాం. జనవరి 10 నుంచి ఆరోగ్య కార్యకర్తలకు, వృద్ధులకు, దీర్ఘకాలిక వ్యాధులు ఉన్నవారికి బూస్టర్ డోసు అందిస్తాం."
-నరేంద్ర మోదీ, ప్రధానమంత్రి

Booster Dose Healthcare Workers: ప్రజలంతా కొవిడ్ నిబంధనలను తప్పక పాటించాలని మోదీ సూచించారు. 'ఒమిక్రాన్​'ను ఎదుర్కోవడానికి వైద్య వ్యవస్థ సన్నద్ధంగా ఉందని చెప్పారు. 5 లక్షల ఆక్సిజన్ పడకలు, 18లక్షల ఐసోలేషన్ పడకలు ఏర్పాటు చేశామని చెప్పారు. దేశంలో 61శాతం మంది వయోజనులకు పూర్తిస్థాయి టీకా అందిందని చెప్పారు. 90 శాతానికి పైగా సింగిల్​ డోసు తీసుకున్నట్లు పేర్కొన్నారు.

ఇదీ చదవండి:'భారత్​ బయోటెక్'​ పిల్లల కొవిడ్​ టీకాకు డీసీజీఐ అనుమతి