vaccination: అటు జాలర్లకు.. ఇటు ట్రాన్స్​​జెండర్లకు

దేశంలో టీకా పంపిణీ కార్యక్రమం విజయవంతంగా జరుగుతోంది. జమ్ముకశ్మీర్​లో వైద్య సిబ్బంది.. ప్రజల చెంతకే వెళ్లి టీకా వేస్తున్నారు. వులర్​ సరస్సులో జాలర్లకు వ్యాక్సిన్​ వేశారు. ఒడిశాలోనూ ట్రాన్స్​జెండర్లుకు మొదటి డోసు అందించారు.

దేశంలో వ్యాక్సినేషన్(Vaccination in India) ప్రక్రియ శరవేగంగా సాగుతోంది. జమ్ముకశ్మీర్​లో.. టీకా వేసేందుకు ప్రజల చెంతకే వైద్యులు వెళుతున్నారు. మారుమూల ప్రాంతాలను సైతం చేరుకుని టీకా వేస్తున్నారు. బాండిపుర్ జిల్లాలోని​ వులర్ సరస్సులో జాలర్లకు టీకా వేయడానికి వైద్య సిబ్బంది అక్కడకి వెళ్లారు. జాలర్లు చేపలు పడుతుండగానే టీకాలు ఇచ్చారు.

అదే క్రమంలో కరోనా వైరస్​ పట్ల అవగాహన కల్పిస్తున్నారు వైద్యులు. కరోనా నిబంధనలను పాటించాలని సూచిస్తున్నారు. వ్యాక్సిన్​పై ఉన్న వదంతులను నమ్మకూడదని చెబుతున్నారు. అందరూ వ్యాక్సిన్​ తీసుకునేలా ప్రోత్సహిస్తున్నారు.

ట్రాన్స్​జెండర్లకు..

ట్రాన్స్​జెండర్లకు వాక్సినేషన్

టీకా పంపిణీలో ట్రాన్స్​జెండర్లు

ఒడిశాలోనూ టీకా పంపిణీ కార్యక్రమం విజయవంతంగా సాగుతోంది. భువనేశ్వర్​లో ట్రాన్స్​జెండర్లకు (transgenders vaccination)సైతం వ్యాక్సిన్​ పంపిణీ చేశారు. భువనేశ్వర్ మున్సిపల్​ కార్పొరేషన్​ (బీఎమ్​సీ) ఆధ్వర్యంలో నిర్వహించిన వ్యాక్సిన్​ డ్రైవ్​లో దాదాపు 500మంది ట్రాన్​జెండర్లు టీకా వేసుకున్నారు. సరైన ధ్రువపత్రాలు లేనివారికి సైతం వ్యాక్సిన్​ అందించారు. దీనిపై ట్రాన్స్​జెండర్లు హర్షం వ్యక్తం చేశారు. అధికార యంత్రాంగానికి ధన్యవాదాలు తెలిపారు.

ఇవీ చదవండి:6-12 ఏళ్ల పిల్లలపై కొవాగ్జిన్ క్లినికల్ ట్రయల్స్!