స్కూటీపై వెళ్తున్న ఓ యువకుడు.. నెమలి ఢీకొని మృతి చెందాడు. కర్ణాటక ఉడుపిలో ఈ ఘటన జరిగింది. ఈ ప్రమాదంలో నెమలి కూడా అక్కడికక్కడే ప్రాణాలు కోల్పోయింది.
ఏం జరిగింది?
బెలాపు గ్రామానికి చెందిన అబ్దుల్లా(24).. పాదుబ్దిరికి బైక్పై వెళ్తున్నాడు. ఈ క్రమంలో జాతీయ రహదారి 66పై రోడ్డు దాటేందుకు నెమలి యత్నిస్తూ.. అతడి బైక్ను ఢీకొంది. దాంతో అతని వాహనం నియంత్రణ కోల్పోయింది. స్థానికులు అబ్దుల్లాను వెంటనే ఆస్పత్రికి తరలించారు. కానీ, అతడు అప్పటికే మృతి చెందాడని అధికారులు తెలిపారు. ఈ ఘటనపై పాదుబిద్రి పోలీస్ స్టేషన్లో కేసు నమోదైంది.
గోడ కూలి ఆరుగురు మృతి
ఉత్తర్ప్రదేశ్ సీతాపుర్ జిల్లాలో రెండు వేర్వేరు ఘటనల్లో గోడ కూలి ఆరుగురు మృతి చెందారు. అక్కడ మూడు రోజులుగా ఎడతెరిపి లేకుండా వర్షాలు కురుస్తున్నాయి. లక్ష్మణ్పుర్ గ్రామంలోని ఓ ఇంటి గోడ మంగళవారం అర్ధరాత్రి కూలింది. ఈ ఘటనలో రెండు నెలల చిన్నారి సహా నలుగురు మృతి చెందారు. ఇంట్లోని వారంతా నిద్రిస్తున్న సమయంలో ఈ ప్రమాదం జరిగింది.