'మా గ్రామంలో భాజపా నాయకులకు ప్రవేశం లేదు'

ఉత్తరాఖండ్​లోని ఓ ఊరిలో భాజపా నాయకుల ప్రవేశాన్ని నిరాకరిస్తూ.. బ్యానర్​ను పెట్టారు గ్రామస్థులు. కేంద్ర ప్రభుత్వం తీసుకొచ్చిన కొత్త వ్యవసాయ చట్టాలను నిరసిస్తూ ఈ రకంగా ఆందోళన చేపట్టారు.

నూతన సాగు చట్టాలకు వ్యతిరేకంగా రైతన్నలు ఆందోళనలు చేస్తున్న తరుణంలో.. ఉత్తరాఖండ్​లో ఓ గ్రామ ప్రజలు వినూత్న నిర్ణయం తీసుకున్నారు. తమ గ్రామంలోకి భాజపా నాయకుల ప్రవేశాన్ని నిషేధించారు.

రూర్కీ జిల్లాలోని నర్సన్​ కలాన్​ గ్రామ వాసులు.. ఆ ఊరి ప్రధాన ద్వారం వద్ద 'మా ఊరిలో భాజపా నాయకులకు ప్రవేశం నిషేధం. దీన్ని అతిక్రమించి గ్రామంలోకి అడుగుపెడితే.. రిస్క్​లో పడతారు' అని ఓ బ్యానర్​ను ఉంచారు.

గ్రామద్వారం వద్ద ఏర్పాటుచేసిన బ్యానర్​

'పార్టీ నాయకులనే మమ్మల్ని పట్టించుకోకపోతే.. ఇక మేమెందుకు వారిని పట్టించుకోవాలి' అని ఆ గ్రామస్థులు తెలిపారు. అయితే.. కేంద్ర ప్రభుత్వాన్ని నిరసిస్తూ రూర్కీ జిల్లా అన్నదాతలు.. పెద్దఎత్తున దిల్లీ ఉద్యమంలో పాల్గొంటున్నారు.

ఇదీ చదవండి:బంగాల్​ దంగల్: నడ్డా, దీదీ మాటల యుద్ధం