'ఆదివారమే ఉత్తరాఖండ్ కొత్త సీఎం ప్రమాణం'

18:06 July 03

ఉత్తరాఖండ్ కొత్త ముఖ్యమంత్రి పుష్కర్ సింగ్ ధామీ ఆదివారం ప్రమాణస్వీకారం చేస్తారని భాజపా సీనియర్ నేత, కేంద్రమంత్రి నరేంద్ర సింగ్ తోమర్ తెలిపారు.

16:36 July 03

ఉత్తరాఖండ్ భాజపా శాసనసభాపక్షనేతగా ఎన్నికైన అనంతరం గవర్నర్​ను కలిసేందుకు రాజభవన్ వెళ్లారు పుష్కర్ సింగ్ ధామీ. నూతన సీఎంగా ఆయన ఆదివారం ప్రమాణ స్వీకారం చేయనున్నాారు.

15:41 July 03

ఉత్తరాఖండ్ నూతన సీఎంగా పుష్కర్ సింగ్ ధామీ నియమితులయ్యారు. దెహ్రాదూన్​లో జరిగిన భాజపా శాసనసభపక్ష సమావేశంలో ఆ పార్టీ నేతలు ఈ మేరకు నిర్ణయం తీసుకున్నారు. ఈ భేటీలో కేంద్ర పరిశీలకులుగా కేంద్ర మంత్రి నరేంద్ర సింగ్​ తోమర్ పాల్గొన్నారు.

14:56 July 03

• ఉత్తరాఖండ్: కాసేపట్లో భాజపా శాసనసభాపక్ష సమావేశం
• ఉత్తరాఖండ్‌ భాజపా అధ్యక్షుడు మదన్ కౌశిక్ నేతృత్వంలో సమావేశం
• ఉత్తరాఖండ్: శాసనసభాపక్ష నేతను ఎన్నుకోనున్న భాజపా ఎమ్మెల్యేలు
• కేంద్ర పరిశీలకుడిగా హాజరుకానున్న కేంద్రమంత్రి తోమర్
• శాసనసభాపక్ష భేటీకి ముందు ఎమ్మెల్యేలతో కేంద్రమంత్రి తోమర్ చర్చలు
• ఉత్తరాఖండ్: నిన్న సీఎం పదవికి రాజీనామా చేసిన తీరథ్‌ సింగ్‌ రావత్‌

09:30 July 03

'ఆదివారమే ఉత్తరాఖండ్ కొత్త సీఎం ప్రమాణం'

ఉత్తరాఖండ్​ భాజపా శాసనసభాపక్ష భేటీ జరగనున్న నేపథ్యంలో కేంద్ర పరిశీలకుడిగా కేంద్ర మంత్రి నరేంద్ర సింగ్​ తోమర్​ దెహ్రాదూన్​ చేరుకున్నారు. ఈ సమావేశం మధ్యాహ్నం 3 గంటలకు ప్రారంభమౌతుందని తోమర్​ తెలిపారు. దాని కంటే ముందుగా పార్టీలోని అందరూ ఎమ్మెల్యేలతో సమావేశమై చర్చిస్తానని చెప్పారు. 

నరేంద్ర సింగ్​ తోమర్​తో పాటు శాసనసభాపక్షనేత ఎన్నిక కార్యక్రమంలో పాల్గొంటామని రాష్ట్ర భాజపా అధ్యక్షుడు మదన్‌ కౌశిక్‌ తెలిపారు. ఎన్నిక అనంతరం శాసన సభ్యులతో కలిసి గవర్నర్​ను కలుస్తామని పేర్కొన్నారు. 

తీరత్​​ సింగ్​ రావత్​ రాజీనామా చేయకపోతే అది రాజ్యాంగ సంక్షోభానికి దారి తీసేదని ఉత్తర్​ప్రదేశ్​ మాజీ ముఖ్యమంత్రి త్రివేంద్ర సింగ్​ రావత్​ అన్నారు. 

తీరథ్​ సింగ్​ రావత్​ ఇప్పటికే రాజీమానా లేఖను ఉత్తరాఖండ్​ గవర్నర్​ బేబీ రాణీ మౌర్యకు సమర్పించారు. సీఎంగా బాధ్యతలు స్వీకరించిన నాలుగు నెలలకే తీరథ్​ సింగ్‌ రాజీనామా చేయటం గమనార్హం.