మూగజీవాల రక్షణ కోసం ఉత్తరాఖండ్ అధికారులు ఓ వినూత్న ఆవిష్కరణ చేశారు. చిన్నచిన్న జంతువులు, సరీసృపాలు రోడ్డు దాటేటప్పుుడు వాహనాల కింద పడకుండా కాపాడేందుకు ఓ వంతెనను నిర్మించారు. కలదుంగి-నైనిటాల్ రహదారిపై రామ్నగర్ అటవీశాఖ అధికారులు దీన్ని ఏర్పాటు చేశారు.
90 అడుగుల ఎత్తులో, 5 అడుగుల వెడల్పుతో ఈ వంతెనను నిర్మించినట్లు కలదుంగి రేంజ్ అటవీ అధికారి అమిత్ కుమార్ గోస్వామి తెలిపారు. పర్యావరణ హితంగా ఈ నిర్మాణం పూర్తి చేసినట్లు చెప్పారు.
" పాములు, ఉడుతలు, చిన్న చిన్న జంతువులు రోడ్డును దాటేటప్పుడు వాహనాల కింద పడి చనిపోకుండా ఉండేందుకు ఈ వంతెనను నిర్మించాం. ఇందుకోసం ఎలాంటి సిమెంట్, ఇనుము వాడలేదు. వెదురు, తాళ్లు, గడ్డి వంటి వాటిని ఉపయోగించి ఎకో ఫ్రెండ్లీగా దీన్ని రూపొందించాం."