ఉత్తరాఖండ్​ సీఎం తీరథ్​కు కరోనా పాజిటివ్​

ఉత్తరాఖండ్​ ముఖ్యమంత్రి తీరథ్​ సింగ్​ రావత్​కు కరోనా పాజిటివ్​గా తేలింది. సోమవారం సాయంత్రం ఆయన దిల్లీ వెళ్లాల్సి ఉంది. ప్రధాని మోదీ సహా పలువురు కేంద్ర మంత్రులతో సమావేశం కావాల్సి ఉంది.

ఉత్తరాఖండ్​ ముఖ్యమంత్రి తీరథ్​ సింగ్​ రావత్​.. కరోనా బారిన పడ్డారు. వాస్తవానికి సోమవారం సాయంత్రం ఆయన దిల్లీ వెళ్లి.. ప్రధానమంత్రి నరేంద్ర మోదీ, కేంద్ర హోంమంత్రి అమిత్​ షాతో పాటు పలువురు కేబినెట్​ మంత్రులతో సమావేశం కావాల్సి ఉంది.

ఇటీవల పలు వివాదాస్పద వ్యాఖ్యలు చేసి వార్తల్లో నిలిచిన క్రమంలో ఆయన దిల్లీ ప్రయాణం ప్రాధాన్యం సంతరించుకుంది. ఈ క్రమంలో ఆయన కరోనా బారిన పడటం.. ఆసక్తికరంగా మారింది.

రెండు రోజుల క్రితం మహిళ వస్త్రధారణపై వివాదాస్పద వ్యాఖ్యలు చేశారు తీరథ్​, ఆ తర్వాత భారత్​ను 200 ఏళ్లు అమెరికా పాలించిందని వ్యాఖ్యానించారు. తాజాగా ఎక్కువ మంది పిల్లలు ఉంటే ఎక్కువ రేషన్​ బియ్యం వచ్చేవని పేర్కొని విమర్శలు ఎదుర్కొన్నారు.

ఇవీ చూడండి:ఉత్తరాఖండ్​ సీఎం మరోసారి వివాదాస్పద వ్యాఖ్యలు