ఉత్తరాఖండ్​ విలయంలో 51కి మృతుల సంఖ్య

ఉత్తరాఖండ్​ జలవిలయ ఘటనలో​ మరో 13 మృతదేహాలు లభ్యమయ్యాయి. తపోవన్​ సొరంగం సహా వివిధ ప్రాంతాల్లో ఈ మృతదేహాలు బయటపడ్డాయి. దీంతో మొత్తం మృతుల సంఖ్య 51కి చేరింది.

ఉత్తరాఖండ్​ చమోలీ జిల్లాలో జరిగిన ప్రమాదంలో ఆదివారం మరో 13 మృతదేహాలు లభ్యమయ్యాయి. ఫలితంగా మొత్తం మృతుల సంఖ్య 51కి చేరింది.

ఆదివారం తపోవన్​ సొరంగం వద్ద 6 మృతదేహాలు లభ్యం కాగా.. మరో ఆరు మృతదేహాలు రైనీ గ్రామం వద్ద కనిపించాయి. రుద్రప్రయాగ్ నదీ ఒడ్డున ఒక మృతదేహం కనిపించింది.

ఆచూకీ గల్లంతైన వారిని రక్షించే చర్యల్లో భాగంగా తపోవన్​ సొరంగానికి రంధ్రం చేశారు అధికారులు. బురదతో నిండిపోయిన సొరంగంలో 30 మందికిపైగా చిక్కుకుని ఉంటారని రెస్క్యూ బృందాలు భావిస్తున్నాయి.

ఇదీ చదవండి:ఆపరేషన్​ తపోవన్​: సొరంగానికి రంధ్రం