సివిల్ సర్వీసెస్ పరీక్ష-2020 ఇంటర్వ్యూలను ఆగస్టు 2 నుంచి నిర్వహించనున్నట్లు యూనియన్‌ పబ్లిక్ సర్వీస్‌ కమిషన్(యూపీఎస్సీ) ప్రకటించింది. ప్రస్తుత పరిస్థితులను సమీక్షించి ఈ నిర్ణయం తీసుకున్నట్లు తెలిపింది. కరోనా కేసులు పెరగడం వల్ల ఏప్రిల్ నెలలో ఈ ఇంటర్వ్యూలను వాయిదా వేసింది.
ఆగస్టు 2 నుంచి సివిల్స్ ఇంటర్వ్యూలు
ఆగస్టు 2 నుంచి సివిల్ సర్వీసెస్ పరీక్ష-2020 ఇంటర్వ్యూలను నిర్వహించనున్నట్లు యూనియన్‌ పబ్లిక్ సర్వీస్‌ కమిషన్ ప్రకటించింది. ఎంపికైన అభ్యర్థుల కాల్ లెటర్లను అధికారిక వెబ్సైట్లలో అందుబాటులో ఉంచనున్నట్లు అధికారులు తెలిపారు.
సివిల్స్ ఇంటర్వ్యూలు
ఇంటర్వ్యూలకు సంబంధించిన కాల్ లెటర్లను www.upsc.gov.in/www.upsconline.in అధికారిక వెబ్సైట్లలో అభ్యర్థులకు అందుబాటులో ఉంచనున్నట్లు కమిషన్ తెలిపింది. అయితే ఇంటర్వ్యూ తేదీ, సమయాల్లో ఎలాంటి మార్పులు చేయడం కుదరదని స్పష్టం చేసింది. ఈ ఏడాది మార్చి 23న విడుదల చేసిన యూపీఎస్సీ ఫలితాల ఆధారంగా అభ్యర్థులను ఇంటర్వ్యూలకు ఎంపిక చేసినట్లు పేర్కొంది.
ఇదీ చూడండి:Viral: హెల్మెట్‌ను మింగిన ఏనుగు